Piet Hein

Piet Hein, in kopy út 1629 nei in ferlern gien orizjineel út 1625 fan Jan Daemen Cool.

Stânbyld fan Piet Hein yn Delfshaven.

Piet Pieterszoon Hein (ek wol Heyn neamd) ( Delfshaven, 25 novimber 1577 - 17 juny 1629, Gregoriaanse kalinder ) wie in Nederlânsk luitenant-admiraal en West-Yndysk Kompanjy-Kommandant. Sels skriuwde hy syn namme as Heijn. Yn de Nederlânske skiednis is er tige ferneamd wurden troch de ferovering fan de saneamde Spaanske sulverfloat, yn 1628.

Piet Hein waard op 4 july 1629 mei grutte ear begroeven yn de Alde Tsjerke yn Delft. Pas yn 1638 kaam na lang oanstean fan de widdo op steatskosten it beloofde marmeren prealgrêf klear, meastal taskreaun oan Pieter de Keyser. Folle letter, yn 1870, is yn Delfshaven in sânstiennen byld setten, in wurk fan de byldhouwer Joseph Graven út Den Bosch. Heins opfolger wie de algemien as ynkompetint beskôge Van Dorp.

In triomfantlik liet fan de Sulverfloat

Heb je van de zilveren vloot wel gehoord,

De zilveren vloot van Spanje?

Die had er veel Spaanse matten aan boord,

En appeltjes van Oranje.

Piet Hein!, Piet Hein!,

Piet Hein, zijn naam is klein,

Zijn daden bennen groot,

Zijn daden bennen groot:

Hij heeft gewonnen de Zilveren Vloot,

die heeft gewonnen, gewonnen de Zilveren Vloot.

die heeft gewonnen de Zilvervloot.

De tekst fan dit 19e ieuske liet, In triomfantlik liet fan de Sulverfloat, dat grif bydroegen hat oan de hjoeddeiske rop fan Piet Hein is yn 1844 skreaun troch Jan Pieter Heye; de meldij út 1856 is fan Johannes Josephus Viotta. It is basearre op 17e-ieuske fermeldings fan inselde soarte liet dat ek "Hein" op "klein" rime en "vloot" op "groot".