Maaike Schuurmans

Maaike Schuurmans (14-12-1967) is in Fryske sjongster út Snits. As bern hie se graach ballerina wurde wold, mar blykte dêrfoar net de goede lichemsbou te hawwen. Se studearre fan 1985 oant 1990 oan de Akadeemje fan Kleinkunst yn Amsterdam. Nei har slagjen wie se te sjen op poadia fan Nederlân, Dútslân, Belgje en fan Londen yn musicals lykas: “Cats”, “Joe, de Musical” en Mozart”. Mar ek as Janke yn de film De Gouden Swipe. Maaike spile ek mei yn de kabaretfoarstelling Eurosuperfries” en skreaun troch Rients Gratama. Mei Rients song se letter ek it bekende “De búgel fan Looft den Heer”. Yn Nederlân ken men har ek fan de hit “Wa’t ik bin”, in duet dat se opnaam mei popgroep “De Kast”. Mei “De Kast” wie se ek te sjen yn it muzyktheater-spektakel “Simmertime” yn “Simmer 2000”. Maaike song doe mei De Kast de singel “Wa’t ik bin”. Se hie in grutte rol op it album Simmertime mei gearwurking fan De Kast, Rients Gratama en Piter Wilkens. Oant 1 april 2001 hie se de rol fan “Magda” yn de musical “Tanz der Vampire”. Maaike is in echte poadium-persoanlikheid met in prachtige stim. Ynspirearre troch de cd “Painted from memory” (Bacharach/Costello), hat Maaike har ferdjippe yn it libben en de muzyk fan Burt Bacharach. (skriuwer fan û.o. ferskes as “Raindrops keep fallin’on my head” en “Walk on by” ).It wie de basis foar har foarstelling “Anyone who had a heart”.

musicals

Maaike Schuurmans die mei yn musicals as:

• ”Cats” yn Dútslân
• “Jesus Christ Superstar”
• “Singin’ in the rain”
• “Joseph and the amazing technicolor dreamcoat”
• “Tanz der vampire” (regy: Roman Polanski)
• “Peter Pan”
• “Mozart!”
• “Sinatra, that’s life”.

soloprogramma

• ”Anyone who had a heart” - muzyk fan de Amerikaanske komponist Burt Bacharach.

diskografy

• CD:
  • "Wa't ik bin" (2000) CD-single (mei De Kast )
  • CD's tegearre mei oaren:
    • "SimmerTime" (2000)
    • "SimmerTime 2" (2000)
    • "Fryske stjerrejûn" (2001)
• DVD:
  • "Simmertime" (2006) tegearre mei oaren

Keppeling om utens

• hiemside fan Maaike Schuurmans