Nijehaske

Nijehaske
gemeente	Skarsterlân
Gritenij	Haskerlân
Stimmen	26
Ynwenners (2004)	50
Huzen	{{{huzen}}}
Koördinaten	52° 57' NB, 5° 53' EL
Netnûmer	0513
Postkoade	8466
Webstee	{{{webstee}}}

Nijehaske is in doarp yn de gemeente Skarsterlân, krekt west fan It Hearrenfean. It doarp hat likernôch 50 ynwenners.

Nijehaske is begûn as eastlike útbou fan it âldere doarp Haske, dat letter Aldehaske hjitte soe. Dizze beide doarpen foarmen it sintrum fan de eardere gemeente Haskerlân. Troch feanôfgraving, dy't al yn de 16e ieu geande wie, ûntwikkele it doarp. Doe't 200 jier letter saneamde Gitersken nei it gebiet kamen om feen ôf te graven, naam it oantal ynwenners fan beide doarpen sterk ta.

De groei fan it tichtby lizzende It Hearrenfean, dat op de grins fan trije gemeenten lei, soarge der foar dat in grut stik fan it doarp ferdwûn. De bebouwing west fan de Hearresleat en noard fan de Stasjonsstrjitte bleau oer. It oarspronklike hert fan Nijehaske makket al sûnt de gemeentlike weryndieling fan 1934 diel út fan It Hearrenfean. Hjir stie ek de herfoarme tsjerke dy't eartiids ien wie mei Haskerdiken en Nijbrêge. Allinnich it tsjerkhôf oan de Jousterwei is hjir noch fan oer. It stasjon fan It Hearrenfean stie oant 1933 yn Nijehaske. Yn It Hearrenfean is in tichtbylizzende nijbouwyk Nijehaske neamd nei it doarp.

It noch altyd selsstannige diel fan it doarp telt minder as 50 ynwenners. Lâns Nijehaske rint ek it Nije Hearrenfeanster Kanaal.

Utsjoch op Nijehaske

Befolking

• 1954 - 237
• 1959 - 100
• 1964 - 109
• 1969 - 123
• 1974 - 110
• 2004 - 50

Iepenbier ferfier

• Line 198: It Hearrenfean - Nijehaske - Aldehaske - Haskerhoarne - De Jouwer - Snits - Nijlân Rykswei - Boalsert vv.

Strjitten

Businesspark Friesland-W, Ekspansjeleane, Enerzjyleane, Euroleane, Ynnovaasjeleane, Jousterwei, Kommunikaasjeleane.

Sjoch ek

• Fryske doarpen.