Folkspartij foar Frijheid en Demokrasy

Folkspartij foar Frijheid en Demokrasy
Ofkoarting	VVD
Partijlieder	Mark Rutte
Partijfoarsitter	Christianne van der Wal
Fraksjelieder Twadde Keamer	Mark Rutte / Sophie Hermans (waarnimmend)
Fraksjelieder Earste Keamer	Annemarie Jorritsma
Delegaasjelieder Europeesk Parlemint	Malik Azmani
Sitten yn Twadde Keamer
Sitten yn Earste Keamer
Sitten yn Provinsjale Steaten
Sitten yn Europeesk Parlemint
Oprjochte	24 jannewaris 1948
Fúzje fan	Partij fan de Frijheid en Komitee-Oud
Rjochting	Sintrumrjochts
Ideology	Konservatyf-liberalisme
Ledetal	25.035 (2021)
Jongereinorganisaasje	JOVD
Europeeske partij	Partij fan de ALDE
Europeeske fraksje	ALDE
Ynternasjonaal	LI
Webstee	www.vvd.nl

De Folkspartij foar Frijheid en Demokrasy, Nederlânsk: Volkspartij voor Vrijheid en Democratie (VVD), is in liberale partij yn Nederlân.

De partij waard oprjochte op 24 jannewaris 1948 út in geargean fan de Partij fan de Frijheid en de saneamd groep-Oud, dy't yn oktober 1947 út de Partij fan de Arbeid stapt wie. De VVD wol as liberale partij it ferieningspunt wêze fan "alle Nederlanners, dy't de oertsjûging hawwe dat frijheid, ferantwurdlikheid, ferdraachsumheid en sosjale gerjochtichheid de fûneminten hearre te wêzen fan elke mienskip".

VVD Fryslân

Yn de provinsje Fryslân is de oanhing fan de VVD tusken 1956 en 1974 groeid fan 8,4 % nei 11,8%. Yn de jierren '70 bleau de elektoarale groei fan de VVD provinsjaal efter by de lanlike tendins. Dit kin gearhingje mei in fêstere bining fan de Fryske kiezers mei de eigen partij, wêrtroch 't politike ferskowings hjir minder yngripend binne. Oan de oare kant wie by de Steateferkiezings de konkurrinsje fan de FNP in mooglike faktor. Gemeenten dêr't de VVD by de Steateferkiezings fan 1974 measr as 15% fan de stimmen helle wienen Skylge (34%), Flylân (13,7%), It Amelân (24,4%), Skiermûntseach (18,9%), Weststellingwerf (17,2%), Baarderadiel (16%) en Utingeradiel (15,1%).

Gemeentlik arbeidet de VVD faak op mei oare (benammen RK) politike minderheden ûnder de namme 'gemeentebelangen'. Troch de groei by Keamer- en Steateferkiezings yn 1972 en 1974 waard it yn in oantal fan dizze gemeentes mooglik, mei in eigen VVD-list út te kommen.

By de gearstalling fan it provinsjaal bestjoer wurke de lanlik sterke tsjinstelling tusken PvdA en VVD minder dúdlik: sûnt 1970 makket de VVD-er Lammert Hilarides diel út fan it Koleezje fan Deputearre Steaten fan Fryslân, dêr't ek PvdA-ers in sit hawwe.

Fertsjintwurdiging Twadde Keamer

• 1948: 7,9 % – 8 sitten
• 1952: 8,8 % – 9 sitten
• 1956: 8,8 % – 9 sitten (nei fergrutting TK fan 100 nei 150 sitten: 13)
• 1959: 12,2 % – 19 sitten
• 1963: 10,3 % – 16 sitten
• 1967: 10,7 % – 17 sitten
• 1971: 10,3 % – 16 sitten
• 1972: 14,4 % – 22 sitten
• 1977: 17,9 % – 28 sitten
• 1981: 17,3 % – 26 sitten
• 1982: 23,1 % – 36 sitten
• 1986: 17,4 % – 27 sitten
• 1989: 14,6 % – 22 sitten
• 1994: 20,0 % – 31 sitten
• 1998: 24,7 % – 38 sitten
• 2002: 15,4 % – 24 sitten
• 2003: 17,9 % – 28 sitten
• 2006: 14,7 % – 22 sitten
• 2010: 20,5 % – 31 sitten
• 2012: 26,5 % – 41 sitten
• 2017: 21,3 % - 33 sitten

Boarnen, noaten en referinsjes

Boarnen, noaten en/as referinsjes:

G. Abma, Kl. Jansma en oaren (red.), Encyclopedie van het hedendaagse Friesland, Ljouwert: M.A. van Seijen 1975, Volkspartij voor Vrijheid en Democratie (VVD).