2002

Iuwen:	16e	17e	18e	19e	20e	21e iuw	22e	23e	24e	25e	26e
Jierren:	1997	1998	1999	2000	2001	2002	2003	2004	2005	2006	2007

Kalinders
Gregoriaanske kalinder	2002 MMII
Ab urbe condita	2755
Armeenske kalinder	1451 ԹՎ ՌՆԾԱ
Etiopyske kalinder	1994 – 1995
Hebriuwske kalinder	5762 – 5763
Hindoekalinders
- Vikram Samvat	2057 – 2058
- Shaka Samvat	1924 – 1925
- Kali Yuga	5103 – 5104
Iraanske kalinder	1380 – 1381
Islamityske kalinder	1423 – 1423
Juliaanske kalinder	Gregoriaansk min 13 dgn.
Sineeske kalinder	4698 – 4699 戊巳 – 己午

2002 is in gewoan jier dat begjint mei in tiisdei. (Gregoriaanske kalinder foar 2002.)

Dit jier makket ûnderdiel út fan it desennium fan 'e 2000-er jierren.

Foarfallen

jannewaris

• 1 - Yn Andorra, Belgje, Dútslân, Eastenryk, it Fatikaan, Finlân, Frankryk, Grikelân, Ierlân, Itaalje, Lúksemboarch, Monako, Nederlân, Portegal, San Marino en Spanje wurdt de euro de wettige muntienheid.
• 17 - In fulkaanútbarsting fan 'e Nyiragongo ferdriuwt yn 'e Demokratyske Republyk Kongo nei skatting 400.000 minsken fan hûs en hurd.
• 18 - Nei alve jier komt der in ein oan 'e Sierraleöanske Boargeroarloch as de rebellen fan it Revolúsjonêr Feriene Front (RUF) einlings definityf ferslein wurde troch regearingsroepen.

febrewaris

• 2 - De Nederlânske kroanprins Willem-Alexander boasket oan 'e ArgenynseMáxima Zorreguieta.
• 6 - De Britske keninginne Elizabeth II fiert har gouden jubileum as monarch.
• 8-24 - De Olympyske Winterspullen wurde holden yn Salt Lake City, yn 'e Feriene Steaten.
• 12 - Yn De Haach begjint foar it Joegoslaavjetribunaal de rjochtsaak tsjin Slobodan Milošević, de eardere presidint fan 'e Federale Republyk Joegoslaavje.
• 22 - Yn Angoala komt UNITA-lieder Jonas Savimbi om by gefjochten fan syn rebelleleger mei regearingstroepen. Syn dea makket de wei frij foar in fredesakkoart dêr't de 27 jier âlde Angoleeske Boargeroarloch mei beëinige wurde kin.

maart

• 7-16 - De Paralympyske Winterspullen wurde holden yn Salt Lake City, yn 'e Feriene Steaten.
• 27 - By it Pesachbloedbad deadet in Palestynske selsmoardoanslachdogger 30 minsken yn in hotel yn 'e Israelyske stêd Netanya. Nochris 140 persoanen reitsje ferwûne.

april

• 2-10 maaie - Israelyske troepen belegerje yn Betlehim de Bertetsjerke, dêr't Palestynske militanten beskûl socht hawwe.
• 4 - Nei 27 jier komt der in ein oan 'e Angoleeske Boargeroarloch, as de rebellen fan 'e UNITA harren deljouwe ûnder in fredesregeling.
• 9 - Yn 'e Britske haadstêd Londen komme tsientûzenen lju ôf op 'e begraffenis fan keninginne-mem Elizabeth Bowes-Lyon.
• 15 - It ferkearsfleantúch Air China-flecht 129 fljocht by min waar yn 'e neite fan 'e stêd Busan, yn Súd-Koreä, tsjin in berch oan. Dêrby komme 129 minsken om.

maaie

• 6 - De Nederlânske populistyske politikus Pim Fortuyn wurdt yn Hilfertsom fermoarde troch miljeu-aktivist Volkert van der Graaf.
• 20 - East-Timor wurdt ûnôfhinklik fan Yndoneezje.
• 25 - It ferkearsfleantúch China Airlines-flecht 611 falt yn 'e loft útinoar en stoart del yn 'e Strjitte fan Taiwan, wêrby't alle 225 ynsittenden omkomme.

juny

• 24 - By de Treinramp fan Igandu, yn 'e neite fan 'e Tanzaniaanske haadstêd Dodoma, komme 281 minsken om.
• 26 - It earste Iepen Frysk Kampioenskip Klompkesilen (IFKK) wurdt holden yn Heech.

july

• 1 - By de loftbotsing by Überlingen komme in Tupolev Tu-154-ferkearsfleantúch en in Boeing 757-frachtfleantúch yn 'e loft mei-inoar yn botsing boppe it Dútske plak Überlingen. Alle 71 ynsittenden fan beide fleantugen komme om.
• 1 - It Statút fan Rome wurdt fan krêft en fêstiget dêrmei it Ynternasjonaal Strafhôf.
• 9 - De Organisaasje fan de Afrikaanske Ienheid (OAU) wurdt opdoekt. Dêrfoar yn 't plak wurdt de Afrikaanske Uny oprjochte.
• 27 - By de ramp op de loftshow fan Sknyliv stoart in Sûchoj Sû-27-strieljager del op it publyk fan in loftshow yn 'e Oekraïne. Dêrby komme 77 minsken om en reitsje nochris 543 ferwûne, wat it ta it slimste loftshowûngelok út 'e skiednis fan 'e loftfeart makket.

augustus

• 12 - Arjan Erkel, in Nederlânske meiwurker fan Dokters sûnder Grinzen (MSF), wurdt yn 'e Russyske dielrepublyk Dagestan ûntfierd troch islamistyske terroristen.
• 2e helte - Yn Eastenryk, Tsjechje en Dútslân fine troch oerfloedige rein de grutste oerstreamings yn hûndert jier plak. Benammen it streamgebiet fan 'e rivier de Elbe hat dêr slim ûnder te lijen.

septimber

• 2 - De Fryske Wikipedy begjint.
• 10 - Switserlân wurdt as 190e lân lid fan 'e Feriene Naasjes.
• 19 - By in steatsgreep yn Ivoarkust liedt generaal Robert Guéï in militêre rebûlje wêrby't presidint Laurent Gbagbo ôfset wurdt. Dit is it begjin fan 'e Earste Ivoriaanske Boargeroarloch.
• 26 - De fearboat de MS Le Joola giet te sink foar de kust fan Gambia, wêrby't teminsten 1.863 opfarrenden omkomme.
• 27 - East-Timor wurdt as 191e lân lid fan 'e Feriene Naasjes.

oktober

• 12 - By de bomoanslaggen op Baly, troch islamistyske terroristen op twa nachtklubs yn it toeristyske útgeanssintrum fan Kuta, op it Yndonezyske eilân Baly, komme 204 minsken om, ynkl. 2 dieders.
• 17 - De Israelyske minister fan Toerisme Rehavam Ze'evi wurdt by in oanslach fermoarde troch trije leden fan it Folksfront foar de Befrijing fan Palestina (PFLP).
• 23-26 - By de gizeling yn it Dûbrovkateäter wurde yn 'e Russyske haadstêd Moskou 850 teäterbesikers gizele troch Tsjetsjeenske separatisten. De Russyske autoriteiten losse it probleem op troch in ûnbekend gas yn it fentilaasjesysteem fan it Dûbrovkateäter te pompen dêr't se de gizelnimmers mei bûten bewustwêzen bringe wolle. It ynazemjen fan it gas blykt lykwols foar in oansjenlik part fan 'e gizelders fatale gefolgen te hawwen. Der komme 173 minsken om, wêrûnder 133 gizelders en alle 40 gizelnimmers.

novimber

• novimber - Yn Hongkong brekt de SARS-epidemy út, in sykte dy't him al rillegau nei oare parten fan 'e wrâld ferspriedt.
• 7 - By in referindum oer soevereiniteit wiist de befolking fan 'e Britske kroankoloanje Gibraltar massaal oansluting by Spanje ôf.
• 8 - De Feilichheidsried fan de Feriene Naasjes nimt unanym Resolúsje 1441 oan, wêryn't Irak yn it ramt fan 'e Iraakske Untwapeningskrisis ûnder bedriging mei slimme konsekwinsjes oproppen wurdt om syn massaferneatigingswapens op te jaan.
• 13 - Irak akseptearret FN-Feilichheidsriedresolúsje 1441.

desimber

• 6 - By in bomoanslach troch islamistyske terroristen op in bioskoop yn it Bingaalske doarp Mymenshingh komme 27 minsken om.

Berne

• 8 april - Skai Jackson, Amerikaansk aktrise

Ferstoarn

• 1 febrewaris - Jan Pannekeet, Nederlânsk taalkundige (* 1925)
• 13 febrewaris - Waylon Jennings, Amerikaansk countrysjonger (* 1937)
• 15 febrewaris - Kevin Tod Smith, Nijseelânsk akteur (* 1963)
• 4 maart - Elyne Mitchell, Australysk berneboekeskriuwster (* 1913)
• 5 april - Douwe Tamminga, Frysk dichter, skriuwer en oersetter (* 1909)
• 18 april - Thor Heyerdahl, Noarsk antropolooch (* 1914)
• 6 maaie - Pim Fortuyn, Nederlânsk politikus (* 1948)
• 6 maaie - Samuel (Sem) Dresden, Nederlânsk literatuerwittenskipper, romanist en essayist (* 1914)
• 20 juny - Nina Baanders-Kessler, Frysk byldhouwster en medaljeur (* 1915)
• 29 juny - Sikke Doele, Frysk skriuwer en dichter (* 1942)
• 4 july - Freark Dam, Frysk sjoernalist, oersetter en dichter (* 1924)
• 18 augustus - Johan Bok, Frysk musikus (* 1929)
• 22 augustus - Æbe Haima, Frysk keatser (* 1927)
• 3 septimber - Dirk ter Haar, Ingelsk-Nederlânsk natuerkundige (* 1919)
• 22 septimber - Jan de Hartog, Nederlânsk skriuwer (* 1914)
• 6 oktober - prins Claus von Amsberg, prins-gemaal fan de Nederlannen (* 1926)
• 3 novimber - Piebe Bakker, Frysk dirigint en skoalbestjoerder (* 1929)
• 12 desimber - Dee Brown, Amerikaansk skiedkundige en bibletekaris (* 1908)

Films

• Catch Me If You Can
• My Big Fat Greek Wedding
• The Scorpion King

Literatuer

romans

• Tanya Huff, The Better Part of Valor
• Lois McMaster Bujold, Diplomatic Immunity
• Jim Butcher, Summer Knight
• Julie E. Czerneda, To Trade the Stars

koarte ferhalen

• Jim Butcher, A Restoration of Faith
• Jim Butcher, Vignette

Jierren:	1997	1998	1999	2000	2001	2002	2003	2004	2005	2006	2007
Iuwen:	16e	17e	18e	19e	20e	21e iuw	22e	23e	24e	25e	26e

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory 2002 fan Wikimedia Commons.