Wierd Wijnia

Ut Wikipedy
Jump to navigation Jump to search

Wierd Sjoerd Wijnia (Iens, 17 febrewaris 1925Warkum, 4 maaie 1998) wie in Nederlânsk langeôfstân-rider en sportbestjoerder.

Libben[bewurkje seksje | boarne bewurkje]

Wijnia wie yn syn jeugd in fertsjinstlik koartebaanrider. Yn de jierren nei de Twadde Wrâldoarloch besocht hy it ek op de langebaan, mar hy wie nei eigen sizzen te âld om goed bochten ride te learen. Hy die mei oan de njoggende Alvestêdetocht (1947), wêryn hy as seisde einige. Tegearre mei syn âldere broer Jaap Wijnia, dy’t as fjirde oer de miet kaam, waard hy lykwols diskwalifisearre omdat hy in gedielte mei de auto ôflein hawwe soe. Oars as in oantal oare riders dy’t út de útslach skrast waarden omdat se gongmakke wienen trochh toerriders, krigen de bruorren Wijnia gjin alvestêdekrúske. Hast fyftich jier nei dato, yn jannewaris 1997, krigen se dochs noch it krúske en in ekskúsbrief fan it bestjoer fan de Feriening De Fryske Alve Stêden opstjoerd.

Wierd Wijnia einige de tsiende Alvestêdetocht (1954) as sânde. Yn de Alvemarrentocht waard hy yn 1947 seisde en yn 1954 tsiende. Yn 1956 die hy mei oan de alfte Alvestêdetocht (1956). Mei troch in minne tarieding moast hy by Boalsert opjaan. Yn de barre tolfde Alvestêdetocht (1963) stapte hy mei trije beferzen teannen by Parregea fan it iis.

Neist syn reedrydprestaasjes hie Wijnia in feehâlderijbedriuw by Koarnwert. Hy wie aktyf yn ferskate lokale maatskiplike en tsjerklike organisaasjes. Sûnt 1963 wie hy aktyf binnen it gewest Fryslân fan de KNSB. Yn 1968 waard hy lid en yn 1969 foarsitter fan de lanlike technyske kommisje fan de KNSB. Yn 1970 waard Wijnia foarsitter fan it gewest Fyslân enbleau dat oan ein 1982 ta.

Yn maaie 1998 ferstoar Wijnia nei in sykte op 73-jierige leeftiid.

Boarnen, noaten en referinsjes[boarne bewurkje]

Boarnen, noaten en/as referinsjes:
  • Wierd Wijnia, Leeuwarder Courant, 9 jannewaris 1971.
  • Wijnia's krijgen na 50 jaar alsnog kruisje, Leeuwarder Courant, 3 jannewaris 1997.
  • Wierd Wijnia overleden, Leeuwarder Courant, 5 maaie 1998.