Wester-Ohrstedt

Wester-Ohrstedt / Weester-Uurst
Lokaasje gemeente Wester-Ohrstedt (read) yn Noard-Fryslân.
Bestjoer
Lân	Dútslân
Dielsteat	Sleeswyk-Holstein
Kreis	Noard-Fryslân
Amt	Viöl
Sifers
Ynwennertal	1.105 (31.12.2024)
Oerflak	18,54 km²
Befolkingsticht.	60 ynw./km²
Hichte	26 m
Oar
Stifting	1 april 1934
Postkoade	25885
Offisjele webside
www.wester-ohrstedt.de
Kaart

Wester-Ohrstedt (Noardfrysk: Weester-Uurst; Deensk: Vester Ørsted) is in plak en gemeente yn 'e kreis Noard-Fryslân yn 'e Dútske dielsteat Sleeswyk-Holstein. De gemeente makket diel út fan it amt Viöl.

Njonken it doarp mei deselde namme lizze ek de hûzegroepen Ohrstedt-Bahnhof, Westerholz (Deensk: Vesterholt), Bremsburg (Deensk: Bremsborg), Pfannendorf, Haneburg, yn 'e gemeente.

Geografy

Yn it gemeentegebiet fan Wester-Ohrstedt, eastlik fan it stasjon Ohrstedt, leit de boarne fan 'e Husumer Mühlenau. Dit rivierke streamt súdlik fan 'e doarpskearn troch de gemeente hinne rjochting Husum.

Skiednis

Grêfheuvels út 'e Stientiid (Neolitikum) en de Brûnstiid tsjûgje fan in iere bewenning op it hjoeddeiske doarpsgebiet. Yn totaal binne der mear as fjirtich argeologyske fynsten en alve grêfheuvels yn 'e gemeente bekend.

Yn 'e tiid tusken 1200 en 1420 stie yn it súdwesten fan it doarpsgebiet de Haneburg. Nei alle gedachten wie dat in toer op in heuvel, dêr't tsjintwurdich yn it lânskip neat mear fan werom te finen is. Allinnich de nammen fan in strjitte en in pleats dogge noch tinken oan dy âlde fersterking.

Namme

It plak sels waard yn 1438 foar it earst skriftlik as Westerohrstede neamd. De namme Ohrstedt giet mooglik werom op it Aldnoarske wurd ārr, wat "boade" of "ingel" betsjut, of op it Aldnoarske arðr (Alddeensk: arthær) yn 'e betsjutting fan "ploech". Ohrstedt soe dêrmei safolle betsjutte kinne as "plak fan 'e boade" of "ploechplak".

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Wester-Ohrstedt fan Wikimedia Commons.