Wertheim

Ut Wikipedy
Springe nei navigaasje Springe nei sykjen
Wertheim
Wertheim im Main-Tauber-Kreis.png
Flagge Wapen
Gjin Flagge (Bekend).PNG Wappen Wertheim.svg
Sifers
Ynwennertal 22.879 (31.12.2020)
Oerflak 138,63 km²
Befolkingstichtens 165 / km²
Hichte 145 m
Polityk
Lân Flag of Germany.svg Dútslân
Dielsteat Flag of Hesse.svg Hessen
Lânkring Flagge Main-Tauber-Kreis.svg Main-Tauber-Kreis
Oar
Tiidsône UTC+1
Simmertiid UTC+2
Koördinaten 50° 0´N 08° 0´E
Webside www.wertheim.de

Wertheim is de noardlikste stêd fan de Dútske dielsteat Baden-Württemberg en grinzget oan Beieren. De stêd leit likernôch 70 kilometer súdeastlik fan Frankfurt am Main en 30 kilometer westlik fan Würzburg. It is de op ien nei grutste stêd fan de Main-Tauber-Kreis en hat foar de omlizzende gemeenten in sintrumfunksje. Sûnt 1 jannewaris 1976 is Wertheim in seanemde Große Kreisstadt, in stêd dy't in diel fan de taken fan de landkreis of kreis sels útfierd. De stêd leit op it plak dêr't de Tauber yn de Main mûnet.

Yndieling[bewurkje seksje | boarne bewurkje]

Wertheim om 1600 hinne yn de Topographia Franconiae

Wertheim is te ferdielen yn fiif stedsdielen en fyftjin doarpen. Ta de stedsdielen hearre: Bestenheid, Eichel-Hofgarten, Reinhardshof, Vockenrot en Wartberg. De doarpen (Ortschaften) binne: Bettingen, Dertingen, Dietenhan, Dörlesberg, Grünenwört, Höhefeld, Kembach, Lindelbach, Mondfeld, Nassig, Reicholzheim, Sachsenhausen, Sonderriet, Urphar en Waldenhausen.[1]

Skiednis[bewurkje seksje | boarne bewurkje]

Argeologyske fynsten wize op in bewenning sûnt likernôch 5000 iuw foar Kr. en yn de izertiid troch Kelten. Wertheim waard nei alle gedachten yn de 7e of 8e iuw stifte.

De boarch fan Wertheim datearret út de 12e iuw, lykas ek de eardere abdij Bronnbach by it doarp Reicholzheim.

De ekonomyske bloei fan Wertheim wie eartiids fral te tankjen oan it gaadlike plak oan de mûning fan de Tauber yn de Main. Ek de glêsfabriken brochten de stêd wolstân.

Al sûnt de 13e iuw hie Wertheim in joadske mienskip, ien fan de âldsten fan it lân.

It besjen wurdich[bewurkje seksje | boarne bewurkje]

Fakwurk Blaue Hûs
  • It midsiuwske stedssintrum mei fakwurkhûzen.
  • Ruïne boarch (Altes Schloss); sûnt 1634 ruïne
  • Protestantske stiftstsjerke (letgoatysk)
  • De goatyske Kiliaankapel
  • De Kittsteinpoarte mei heechwettermjitter sûnt 1595
  • It "Blaues Haus"
  • Eichel: wartsjerke (Veitskirche)
  • Dertingen: wartsjerke fan Dertingen
  • Reicholzheim: Kleaster Bronnbach

Musea[bewurkje seksje | boarne bewurkje]

  • Glêsmuseum
  • Grafschaftsmuseum
  • Eichel/Hofgarten: Museum Schlösschen

Ofbylden[bewurkje seksje | boarne bewurkje]

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: Literatur en Einzelnachweise, op dizze side.