Wermsdorf

Wermsdorf
Slot Hubertusburg
Symboal
Bestjoer
Lân	Dútslân
Dielsteat	Saksen
Lânkring	Noardsaksen
Gemeente-yndieling	11 Ortsteile
Sifers
Ynwennertal	5.148 (31.12.2024)
Oerflak	104,62 km²
Befolkingsticht.	49 ynw./km²
Hichte	185 m
Oar
Stifting	1206 (earste fermelding)
Postkoade	04779
Offisjele webside
www.wermsdorf.de
Kaart

Wermsdorf is in plak en gemeente yn 'e Landkreis Noardsaksen yn Dútslân. De gemeente Wermsdorf hat 5148 ynwenners (2024). Yn 'e gemeente leit by Collm it heechste punt fan 'e regio: de 312 m hege Collmerberg

Skiednis

De Collmer gerjochtslinebeam

De earste dokumintêre fermelding fan Wermsdorf datearret fan 1215.

Yn 1721 sette de bou fan in grut jachtslot útein, de Hubertusburg. Karfoarst Freark August II fan Saksen wreide it paleis yn 1743 nochris út en sa ûntstie ien fan 'e grutste barokke jachtslotten fan Europa. Yn 'e Sânjierrige Oarloch waard de Hubertusburg yn 1761 troch de Prusen plondere en it slot hat him dêrnei nea wer hielendal wersteld. Yn 1763 makke it Ferdrach fan Hubertusburg in ein oan 'e oarloch, al waard dat yn it tichtebylizzende Slot Dahlen ûndertekene. De Hubertusburg waard sûnt 1941 brûkt as in akademy foar offisieren fan 'e Luftwaffe.

Op 25 april 1945 kaam it Amerikaanske leger oan yn Wermsdorf en op 5 maaie 1945 naam it Sovjet-leger it fan 'e Amerikanen oer.

Yn it ta de gemeente hearrende doarpke Collm stiet in âlde gerjochtslinebeam. Under dy beam waard al yn de 12e iuw rjocht sprutsen yn in ding.

Gemeenteyndieling

De hjoeddeiske fúzjegemeente Wermsdorf is yn 'e hjoeddeiske omfang op 1 jannewaris 1999 oprjochte. Doe waarden de foarhinne selsstannige gemeenten Calbitz en Luppa by Wermsdorf foege. De oare plakken (lykas Collm, Mahlis en Liptitz) wiene yn 'e rin fan 'e jierren 1990 mei Wermsdorf fusearre.

De gemeente bestiet út alve Ortsteile:

Wermsdorf (haadplak) Calbitz Collm Gröppendorf Lampersdorf Luppa

Liptitz Mahlis Malkwitz Wadewitz Wiederoda

Ofbylden

• 
  Alde Jachtslot Wermsdorf.
• 
  Tsjerke fan Wermsdorf.
• 
  Wermsdorf.

• 
  Riddergoed Wiederoda.
• 
  Senftenberg.
• 
  Alberttoer.

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Wermsdorf fan Wikimedia Commons.

	Stêden en gemeenten yn 'e Landkreis Noardsaksen
Arzberg - Bad Düben - Beilrode - Belgern-Schildau - Cavertitz - Dahlen - Delitzsch - Doberschütz - Dommitzsch - Dreiheide - Eilenburg - Elsnig - Jesewitz - Krostitz - Laußig - Liebschützberg - Löbnitz - Mockrehna - Mügeln - Naundorf - Oschatz - Rackwitz - Schkeuditz - Schönwölkau - Taucha - Torgau (haadstêd) - Trossin - Wermsdorf - Wiedemar - Zschepplin
· ·