Welcome to the Village

Ut Wikipedy
Jump to navigation Jump to search
Welcome to the Village
plak en tiid
lân Flag of the Netherlands.svg Nederlân
provinsje Frisian flag.svg Fryslân
gemeente Flagge fan Ljouwert (gemeente).png Ljouwert (gemeente)
plak Flagge fan Ljouwert.png Ljouwert (stêd)
holden yn De Griene Stjer
tiid fan it jier july
bysûnderheden
ôfkoarting WTTV
soarte evenemint muzykfestival
sjenre popmuzyk
bestean 2012 – no
offisjele webside
www.welcometothevillage.nl

Welcome to the Village (Ingelsk foar "Wolkom yn it Doarp"), soms ôfkoarte ta WTTV, is in muzykfestival dat elts jier yn july holden wurdt yn it rekreaasjegebiet De Griene Stjer, oan 'e eastkant fan 'e Fryske haadstêd Ljouwert. Dit evenemint belibbe syn earste edysje yn 2012. It besloech de earste jierren altyd trije dagen (freed, sneon en snein), mar yn 2018 begûn it foar it earst al op 'e tongersdeitejûn. Dêrby gie it lykwols om in beskieden foarprogramma, dat benammen bedoeld wie foar omwenjenden.

Op Welcome to the Village is popmuzyk te hearren dy't fersoarge wurdt troch in kar oan Nederlânske en bûtenlânske bands en artysten. Sa spilen bgl. yn 2018 op it festival: de Mark Lanegan Band, Tune-Yards, Wende, Joan As Police Woman, Mykki Blanco, Tal National en Ivo Dimchev. It festival omfiemet al fan it begjin ôf oan njonken de line-up fan muzikanten ek in mânske teäterprogrammearring. Dêr wurke yn 2018 bgl. Sien Vanmaele oan mei en ek wie de foarstelling Solo te sjen, dy't basearre wie op ferhalen fan 'e leden fan it Noard Nederlânsk Orkest.

Fierders stiet Welcome to the Village derom bekend dat it syn publyk bewust besiket te meitsjen fan wat der iten wurdt. Sa waard foar ien fan 'e iere edysjes in ko kocht op 'e feemerk fan Ljouwert, dy't slachte waard om hamburgers fan te meitsjen. It jiers dêrop waard itselde dien mei trije slachtkeallen en yn 2017 stie der ponnyfleis op it menu. Yn 2018 wiene der op it festival frikandellen te keap dy't makke wiene fan geitefleis. Ek wiene der hamburgers en hotdogs fan guozzefleis (fan guozzen dy't ôfsketten wiene fanwegen oerlêst), en fierders shoarma makke fan koal, en patat makke fan imerkes (krekels).

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  • ――, WTTV, yn: de Ljouwerter Krante, 13 july 2018, bylage Freed, s.3.
  • Bruyn, Peter, Het Avontuur Tegemoet, yn: de Ljouwerter Krante, 13 july 2018, bylage Freed, s.2.
  • Elting, Wilbert, Beloning voor Je Harde Werk, yn: de Ljouwerter Krante, 13 july 2018, bylage Freed, s.4.
  • Haagsma, Jacob, Geitenfrikandel, Ganzenburger, Koolshoarma, Krekelfriet, yn: de Ljouwerter Krante, 13 july 2018, bylage Freed, s.4-5.
  • Haagsma, Jacob, Hippievibes en Politiekogels, yn: de Ljouwerter Krante, 13 july 2018, bylage Freed, s.3.