Springe nei ynhâld

Wekkerke

Ut Wikipedy
wekkerke
taksonomy
ryk dieren (Animalia)
stamme rêchstringdieren (Chordata)
klasse fûgels (Aves)
skift moskeftigen (Passeriformes)
famylje imerkesjongerfûgels (Locustellidae)
skaai strûksjongers (Locustella),
soarte
Locustella lanceolata
Wolf, 1810
IUCN-status: net bedrige
ferspriedingsgebiet

     briedfûgel
     wintergast

     trekfûgel
     mooglike trekfûgel


It wekkerke (Locustella fluviatilis) is in fûgelsoarte út de famylje fan 'e imerkesjongerfûgels (Locustellidae) út it skaai fan 'e de strûksjongers (Locustella) mei nau besibbe soarten lykas de snilekrûper en it reidimerke.

Wekkerkes wurde 14,5 oant 16 cm lang. Se binne oliifbrún mei in smoarchwite ûnderkant en it boarst en de kiel ha wat streken en plakken. De sturt is lang. It binne skouwe fûgeltsjes en se hippe yn 'e tichte begroeiing mei de kop op like hichte as it lichem. By it sjongen krûpt it mantsje stadich omheech yn 'e strûken.

De fûgel komt yn Dútslân foar, it suden fan Finlân, it westlike diel fan 'e Oeral en yn it suden yn Hongarije . Syn biotoop bestiet út tichte, grutte reitgebieten by wetter en rivieren, yn fochtich leafbosk. Yn augustus of septimber fleane de wekkerkes nei it easten fan Afrika en se kommen yn april of maaie werom.

Wekkerkes binne seldsum yn Nederlân, mar yn 'e tiid fan 'e trek wurde se wol ris waarnommen. Der is noch nea mei wissens in briedgefal fêststeld.

It nêst fan wekkerkes leit tichteby de grûn op sa'n 30 oant 40 sm hichte en bestiet út bled en stangels en wurdt fan binnen mei fyn gers en hierkes ôfset. It nêst wurdt yn 'e regel toch in tûke of wat oars ûndertipe. Beide âlders jouwe de jonge fûgels te iten, dy't nei 11 oant 15 dagen it nêst ferlitte. Somtiden wurdt der twaris bret.

Wekkerkes ite ynsekten, larven en spinnen.

Sûnt 1975 en fral sûnt 1990 hat it fûgeltsje syn ferspriedingsgebiet nei it westen ta yn Dútslân en Sweden.[1] Birdlife International rûsde yn 2021 foar Europa it oantal folwoeksen wekkerkes op 2.780.000 oant 4.960.000 en it oantal briedpearkes op 1.390.000 oant 2.480.000. De Europeeske populaasje omfiemet likernôch 90% fan 'e wrâldpopulaasje. Oannommen wurdt dat de populaasje in lytse delgong meimakket.

De soarte stiet op 'e Reade list fan 'e IUCN as net bedrige klassifisearre.

Boarnen, noaten en referinsjes

[boarne bewurkje]
Boarnen, noaten en/as referinsjes:

Dizze side is alhiel of foar in part in oersetting fan de Nederlânsktalige Wikipedyside nl:Sprinkhaanzanger (ferzje fan 7 jannewaris 2024)