Weintsjer

Ut Wikipedy
Jump to navigation Jump to search
It wurkplak fan in weintsjer.

In weintsjer of weinmakker (Nederlânsk: wagenaar of wagenmaker) wie foarhinne in ambachtsman dy't him derop talei om weinen en karren te meitsjen of te reparearjen. Yn it Ingelsk waard sa'n man in wainwright neamd, fan wain, in argaysk wurd foar "wein", en wright, in âld wurd foar "makker". Sawol de efternammen Wagenaar (yn it Nederlânsk) as Wainwright (yn it Ingelsk) komme tsjintwurdich noch rûnom foar, mar faak wurdt net mear begrepen wat dy nammen eins betsjutte.

In master-weintsjer hie yn it ferline faak feinten yn 't wurk mei ferskillende feardichheden, dy't allegear nedich wiene om in kreaze wein te produsearjen: tsjillemakkers, smidden en fervers. Lytsere weintsjers diene al dat wurk sels of bestegen dielen fan it wurk út oan oare faklju.

Boarnen, noaten en referinsjes[boarne bewurkje]

Boarnen, noaten en/as referinsjes:
  • Kalman, Bobbie, en Brady, Deanna, The Woodworkers, 2001, s. 26.