Wapen fan Skearnegoutum
It wapen fan Skearnegoutum is it wapen fan it doarp Skearnegoutum, yn de Fryske gemeente Súdwest-Fryslân. It wapen waard yn 1989 registrearre.
Beskriuwing
[bewurkje seksje | boarne bewurkje]De blazoenearring fan it wapen is:
Yn azuer in fersmelle weagjende dwersbalke fan sulver; oer alles hinne in fiifpuntige stjer fan goud; en in skyldhaad fan goud, belein mei in út de dielingsline kommende dûbelde earnekop fan sabel, mei in bek en tong fan kiel.
De heraldyske kleuren binne: azuer (blau), sulver, goud, sabel (swart) en kiel (read).
Symbolyk
[bewurkje seksje | boarne bewurkje]- Stjer: ferwiist nei de Snitser Fiifgea, in ferbûn tusken de doarp Gau, Goaiïngea, Loaiïngea, Offenwier en Skearnegoutum om mekoar en de stêd Snits te helpen.
- Dwersbalke: ferwiist nei de De Swette, in feart troch it doarp dy't ek diel útmakket fan de Alvestêdetocht.
- Skyldhaad: de dûbelde earn is oernommen út in tinkstien dy't yn 1555 yn de toer fan de Martenstsjerke ynmitsele is. Dizze stien lit it wapen fan Karel V sjen mei in keatling fan de Oarder fan it Gouden Flues.
- Kleurstelling: oernommen út it wapen fan Wymbritseradiel, de gritenij en gemeente dêr't it doarp part fan wie.
De tinkstien út 1555.
