Wapen fan Garyp
It wapen fan Garyp is it wapen fan it doarp Garyp, yn de Fryske gemeente Tytsjerksteradiel. It wapen waard yn 1984 registrearre.
Beskriuwing
[bewurkje seksje | boarne bewurkje]De blazoenearring fan it wapen is:
Yn grien in reade peal mei in sulveren seam; yn it skyldhaad trije puntige gouden ruten nêst elkoar; yn'e skyldfoet in krús mei brede gouden earms oant yn de wite seam.
De heraldyske kleuren binne: sinopel (grien), kiel (read), sulver en goud.
Symbolyk
[bewurkje seksje | boarne bewurkje]- Griene fjilden: ferwize nei it bosk yn de omkriten fan it doarp.
- Sulveren seamen: ferwize nei it wetter yn de omkriten fan it doarp.
- Reade peal: ferwiist nei de plaknamme dy't bestiet út "ga" (doarp of doarpsgebiet) en "ryp" (lânstrook). De reade peal ferwiist nei de himrik fan it doarp.
- Gouden ruten: ferwize nei de rjochtsspraak. Achter de koer fan de Petrustsjerke fan Garyp leit in balstien dêr't nei alle gedachten de doarpsrjochter op siet wannear't hy spruts.
- Gouden krús: ferwiist nei it kleaster dat oant 1580 by it doarp yn de buorskip Sigerswâld stie.
