Wapen fan Doanjum
It wapen fan Doanjum is it wapen fan it doarp Doanjum, yn de Fryske gemeente De Waadhoeke. It wapen waard yn 2002 registrearre.
Beskriuwing
[bewurkje seksje | boarne bewurkje]De blazoenearring fan it wapen is:
Loftsskeane; a. yn read trije sulveren leeljes; b. yn sulver trije reade roazen, knoppe fan goud en punte fan grien.
De heraldyske kleuren binne: kiel (read), sulver en sinopel (grien).
Symbolyk
[bewurkje seksje | boarne bewurkje]- Skeane twadieling: oernommen út it wapen fan de KNKB.
- Roazen: oernommen út it wapen fan Frjentsjerteradiel. Ek ferwiist de roas nei it sosjalisme. De griene blêden fan de roazen ferwize nei it keatsen yn it doarp.
- Leelje: oernommen út it wapen fan de famylje Fan Goslinga. Dêrneist is de leelje symboal foar Marije, patroanhillige fan de Donatustsjerke fan Doanjum.
It logo fan de KNKB.
It wapen fan de famylje Fan Goslinga.
