Wapen fan De Lemmer
It wapen fan De Lemmer is it wapen fan de flekke De Lemmer, yn de Fryske gemeente De Fryske Marren.
Skiednis
[bewurkje seksje | boarne bewurkje]De Lemmer is ien fan de Fryske plakken wêrfan in âld wapen oerlevere is. Dit wapen komt foar yn it wapenboek fan Andries Schoemaker út 1695. It wapen hat in ûnbekende skiednis, krekt sa as it wapen fan Lemsterlân, de gritenij en gemeente wêr't it plak eartiidsk part fan wie. De ôfbielding docht in soad tinken oan de leginde fan de Dannebrog, wêrby de flagge fan Denemark, skinke troch god, troch de wolken út de loft fallen kaam. It is net bekend of't it om in taffallige oerienkomst giet of dat it komt troch skipfeart nei de Eastsee fanút De Lemmer.
-
-
Flagge fan Denemark, de 'Dannebrog'.
Beskriuwing
[bewurkje seksje | boarne bewurkje]De blazoenearring fan it wapen is:
Yn azuer in earm fan sulver, klaaid fan kiel, kommende út in wolk fan sulver, pleatse yn de linkerskyldrâne, en tillende in stôk fan sulver, wêroan in skeanlinks pleatse krúsfindel fan kiel, mei krús fan sulver.
De heraldyske kleuren binne: azuer (blau), sulver, kiel (read). It skyld wurdt bedutsen troch in saneamde "flekke-kroan".
Symbolyk
[bewurkje seksje | boarne bewurkje]- Flagge: it krús op de flagge kin in religieuze ferwizing wêze.
- Kroan: it wapen wurd bedutsen troch in saneamde "flekke kroan", brûkt by wapens fan plakken mei stedske kinmerken (flekke). De Lemmer hie in waach.
Sjoch ek
[bewurkje seksje | boarne bewurkje]-
Flagge fan De Lemmer (en Lemsterlân)
