Wapen fan De Houtigehage
It wapen fan De Houtigehage is it wapen fan it doarp De Houtigehage, yn de Fryske gemeente Smellingerlân. It wapen waard yn 2001 registrearre.
Beskriuwing
[bewurkje seksje | boarne bewurkje]De blazoenearring fan it wapen is:
Trochsnien fan goud en read, oer alles hinne in útskuorde ikebeam mei fiif tûken mei trije blêden en toppe fan in ikel, de middelste tûke fan twa ikels; fan grien yn it goud en fan goud yn it read; de stam beselskippe fan twa takearde ôfsniene skieppekoppen fan sulver; in skyldrâne trochsnien fan grien en goud.
De heraldyske kleuren binne: goud, kiel (read) en sinopel (grien).
Symbolyk
[bewurkje seksje | boarne bewurkje]- Gouden fjild: ferwiist nei de sângrûn dêr't it doarp op leit.
- Read fjild: ferwiist nei de eardere heide yn de omkriten fan it doarp.
- Ikebeam: oernommen oan it diel "houtigehage" fan de plaknamme. De ikebeam ferwiist nei de beammen yn de omkriten fan it doarp.
- Skieppekoppen: ferwize nei it weidzjen fan de heide troch skiep.
- Skyldrâne: ferwiist nei it diel "hage" fan de plaknamme. Dit betsjut smelle stripe lân.
- Twadieling wapen: ferwiist nei de twa buorskippen dy't by it doarp hearre: Fianen en Luchtenfjild.
