Wapen fan Bakkefean
It wapen fan Bakkefean is it wapen fan it doarp Bakkefean, yn de Fryske gemeente Opsterlân. It wapen waard yn 1999 registrearre.
Beskriuwing
[bewurkje seksje | boarne bewurkje]De blazoenearring fan it wapen is:
Yn goud twa griene flanken mei oer alles hinne in ferlege en Fersmelle dwersbalke, fan sulver op it grien en fan swart op goud; de flanken boppe de balke belein mei rjochts in rjochtopsteand gouden ikeblêd en lofts in gouden klaverblêd; it skyldhaad belein mei in read breedtearmich krúske, de skyldfoet belein mei in reade roas.
De heraldyske kleuren binne: goud, sinopel, sulver, sabel (swart) en kiel (read).
Symbolyk
[bewurkje seksje | boarne bewurkje]- Gouden fjild: ferwiist nei de deksânrêge wêr't it doarp op leit.
- Griene flanken: ferwize nei it fean yn de omkriten fan it doarp.
- Sulveren dwersbalke: ferwiist nei de Drachtster Feart.
- Gouden ikeblêd: ferwiist nei de bosken yn de omkriten fan it doarp.
- Gouden klaverblêd: ferwiist nei de greiden yn de omkriten fan it doarp.
- Read krúske: ferwiist nei úthôf dy't it Kleaster Mariëngaard yn it doarp hie.
- Reade roas: oernommen út it wapen fan de famylje Van Eysinga.
It wapen fan de famylje Van Eysinga.
