Vellage

Ut Wikipedy
Jump to navigation Jump to search
Vellage
De tsjerke fan Vellage
De tsjerke fan Vellage
Sifers
Ynwennertal 220 (2012)
Hichte 2 meter boppe NAP
Polityk
Lân Dútslân
Dielsteat Nedersaksen
Gemeente Weener
Oar
Postkoade 26826
Webside Webstee fan de gemeente Weener
Kaart fan it Reiderlân

Vellage is in Ortsteil fan de stêd Weener yn it East-Fryske Reiderlân (Nedersaksen) . Yn it plak wennen op 31 desimber 2012 220 ynwenners.

Geografy[bewurkje seksje | boarne bewurkje]

Vellage leit likernôch seis kilometer fan Papenburg ôf oan de râne fan de oerstreamdelte fan de Iems. It plak ûntstie oan in bocht fan de rivier op de noardeastlike kant fan in lytse geast.

Skiednis[bewurkje seksje | boarne bewurkje]

In grut tal fynsten út de romeinske tiid wize op in iere oanwêzigens fan minsken. Mear fynsten datearje út de midsiuwen.

Foar it earst waard Vellage om it jier 900 hinne as Veldagi neamd. Út in register fan de 10e iuw is de oantsjutting Ueldlagi oerlevere. De plaknamme wol safolle as in "frije fjildflakte" sizze.

Vellage waard fanút Aschendorf stifte en foel derom earst ûnder it rjochtsfoech fan de biskop fan Osnabrück. Letter waard Vellage by it Reiderlân yndield.

Op 1 jannewaris 1973 waard Vellage by de stêd Weener yndield.