Us-Leaffrouwetsjerke (Kalundborg)

Ut Wikipedy
Jump to navigation Jump to search
De Us Leaffrou-tsjerke fan Kalundborg

De Us-Leaffrouwetsjerke (Deensk: Vor Frue Kirke) is in bysûnder midsiuwske tsjerke yn de Deenske stêd Kalundborg. It bouwurk hat fiif tuorren en is de lutherske parochytsjerke fan de binnenstêd-gemeente fan Kalundborg.

Skiednis[bewurkje seksje | boarne bewurkje]

De tsjerke waard gaueftich nei 1200 yn romaanske styl boud op inisjatyf fan de eale Peder Strangesen en syn frou Ingeborg. De heit fan Peder Strangesen wie de stifter fan Kalundborg en stie yn heech oansjen. De sakristy oan de noardelike muorre fan it koar út likernôch 1400 is goed bewarre bleaun. Om 1500 hinne krige de sakristy der in ferdjipping by.

Nei it delstoarten yn 1827 troch boukundige tekoartkommingen waard de fieringtoer oant 1871 rekonstruearre. De tsjerke stiet op in hichte en hat wat wei fan in boarch, mar it hat nea de funksje hân om de fijân te kearen en en it stie likemin yn ferbining mei de stêdsferdigening. Folle mear ferwiist de boufoarm nei it Himelsk Jeruzalim, dat yn'e midsiuwen as in versterkte stêd mei fiif tuorren waard foarsteld.

Yn desimber 2008 hat de gemeente Kalundborg mei stipe fan in tal heechoanskreaune Deenske arsjitekten in fersyk yntsjinne by de kulturele autoriteiten om de tsjerke in plak te jaan op'e list fan it wrâlderfskip fan UNESCO.

Arsjitektuer[bewurkje seksje | boarne bewurkje]

It grûnplan fan de sintraalbou foarmt in gryksk krús. Yn it midden riist in 44 meter hege toer op, dy't op fjouwer graniten pylders stiet. De fjouwer earmen fan it krús besteane allegear út in achthoekige, 34 meter hege toer. De middelste toer is ferneamd nei de Hillige Maagd Marije, de oare tuorren binne ferneamd nei de hilligen Sint-Anne (east), Sint-Gertrude (west), Marije Magdalene (súd) en Sint-Katarina (noard).

In bou lykas de Us Leaffrou-tsjerke fan Kalundborg sjocht men hiel seldsum yn West-Jeropa, mar namste mear by de eastersk-otterdokse tsjerken. De Leaffrou-tsjerke is net allinnich ien fan de meast útsûnderlike bouwwurken fan Denemark, mar fan hiel Noard-Jeropa.

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

http://www.vorfruesogn.dk/index.php?id=13223