Upgant-Schott

	Upgant-Schott ; Upgant-Skot
	Gemeente yn Dútslân
	Loftfoto fan Upgant-Schott mei op 'e eftergrûn Marienhafe (rjochts) en Osteel (lofts)
	Emblemen
	Sifers
Ynwennertal	3.567 (31 desimber 2024)
Oerflak	24,78 km²
Befolkingsticht.	144 / km²
Hichte	1 m
	Polityk
Lân	Dútslân
Dielsteat	Nedersaksen
Lânkring	Auwerk
Gemeenteyndieling	5 doarpen
	Oar
Adres	Am Markt 10 26529 Marienhafe
Koördinaten	53° 31' N 7° 16' E
Kfz	AUR, NOR
Gemeindeschlüssel	03 4 52 024
Postkoade	26529
Netnûmer	04934
Ferkearsieren	72, 436
Stifting	1972
Tiidsône	UTC +1
Simmertiid	UTC +2
	Offisjele webside
	www.marienhafe.de
	Kaart
	;
	Kaart
	Lizzing fan 'e gemeente Upgant-Schott yn 'e lânkring Auwerk

Upgant-Schott (Eastfrysk Plat: Upgant-Skot^[1]) is in gemeente yn 'e Samtgemeinde Brookmerland en leit yn 'e lânkring Auerk yn East-Fryslân. Njonken it haadplak Upgant-Schott binne de doarpen Siegelsum, Mühlenloog, Ihlingswarf, Osterupgant en Kolhörn binne ûnderdiel fan Upgant-Schott. Deunby leit it treinstasjon Marienhafe oan 'e spoarline Rheine-Norddeich Mole.

Upgant-Schott hat 3.567 ynwenners (31 desimber 2024).

Oarsprong fan 'e namme

Upgant-Schott waard foar it earst neamd as Cuppargent yn 945 yn it skinkingsregister fan de abdij fan Fulda. De namme Upgant ferwiist nei alle gedachten nei in lytse stream mei de namme Gant. Nei alle gedachten streamde dat wetterke eartiids fan Siegelsum (in doarp dat yn 1969 by de gemeente foege waard) fia it Bollandswater, westlik fan Schottjer Grode, nei de Abelitz, in sydrivier fan de Alte Greetsieler Sieltief. In oare mooglikheid is dat de stream syn oarsprong hie yn it ferhege fean eastlik fan Upgant en identyk is oan de hjoeddeiske Upganter Zugschloot.

Dy ferklearring wurdt stipe troch de namme Upgant (Eastfrysk Plat: up de Gant, Dútsk: auf/über der Gant).

De namme Schott wurdt yn populêre publikaasjes ferklearre as ôflaat fan it Nederdútske wurd scheten (“smite”). De ierde dy’t út in sleat smiten waard, foarme in soarte fan wâl lâns de sleat; sa’n wâltsje waard eartiids in Schott neamd. Lykwols bestie it doarp al lang foar't it Nederdútsk it Frysk ferkrongen hie. It is net mooglik dat de oarsprong fan de namme oars is as in Fryske. Oant yn de twadde helte fan de 17e iuw waard der yn dizze kriten Frysk praat.

Gemeentlike weryndieling

De gemeente Siegelsum waard op 1 july 1972 ûnderdiel fan Upgant-Schott.^[2]

Wapen

Blazoenearring: Yn swart trije lofts rjochte 2:1 opstelde gouden (giele) earnklauwen.

Wapenútlis: It wapen ûntwurpen troch Ulf-Dietrich Korn waard op 5 novimber 1958 goedkard troch de gûverneur fan de provinsje Auwerk. It is it wapen fan de útstoarne famylje fan Upgant, dokumintearre troch in grêfstien fan Siewer fan Upgant út 1568.

It besjen wurdich

De yn 1820 boude tsjerke fan Siegelsum, boud mei de kleastermoppen fan syn midsiuwske foargonger.
Yn it súdeasten fan 'e gemeente is de Boarch Upgant, ien fan de pear oerbleaune stinzen yn East-Fryslân.

Polityk

Sitferdieling gemeenteried

De gemeenteried bestiet út 15 riedsleden. Dat is it fêststelde tal foar in lidgemeente fan in Samtgemeinde mei in ynwennertal fan 3001 oant 5000 ynwenners. De gemeenteriedsleden wurde keazen by gemeenteriedsferkiezings foar in tiidrek fan 5 jier.

De lêste ferkiezings fan 11 september 2021 levere de folgjende útslach op:

partij	2021
SPD	6
Brookmer Wähler Gemeinschaft (BWG)	4
CDU	2
BfB	2
Moin	1

Keppelings om utens

Gemeente Upgant-Schott op 'e side fan 'e Samtgemeinde Brookmerland
Webstee fan 'e Samtgemeinde Brookmerland
Beskriuwing fan Upgant-Schott yn it histoaryske doarperegister fan it Eastfryske Lânskip

Boarnen, noaten en referinsjes

Boarnen, noaten en/as referinsjes:

↑ Oostfräisk Woordenbauk
↑ Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27. 5. 1970 bis 31. 12. 1982. ISBN 3-17-003263-1.

Foarm oare boarnen, sjoch de:Upgant-Schott