Twadde Keamerferkiezings 2025 yn Fryslân

Twadde Keamerferkiezings 2025 yn Fryslân
← 2023 29 oktober 2025 2029 →
Parlemint	Twadde Keamer (Fryslân)
Omfang	150 leden te ferkiezen
Mearderheid	minimaal 76 sitten
Stimoanpart	4,0% (6/150 sitten)
Risseltaten
Opkomst	81,2%
Winner	D66
Koälysje	Kabinet-Jetten
Beëdige op	23 febrewaris 2026
Foargonger	Kabinet-Schoof
Fertsjintwurdigers
Ferkeazen	6/6 Fryske kandidaten      Habtamu de Hoop (GL-PvdA)      Luciënne Boelsma-Hoekstra (CDA)      Femke Wiersma (BBB)      Marieke Vellinga-Beemsterboer (D66)      Harry Bevers (VVD)      Maarten Goudzwaard (JA21)
Ofbylding
Utslach en grutste partij de gemeente
Temaside Polityk

Stimferhâldings 2025
Partij		Sitten	Ferskil
PvdD			2 (–01)
SP			3 (±00)
GL-PvdA			19 (–01)
DENK			0 (–03)
Volt			1 (±00)
D66			21 (–05)
CU			3 (±00)
FNP			2 (+02)
50+			2 (±00)
CDA			24 (+06)
SGP			2 (–01)
VVD			19 (–03)
BBB			7 (+03)
JA21			8 (–01)
PVV			27 (+01)
FvD			10 (+03)
Fryske risseltaten ferlike mei de rest fan NL

De ferkiezings foar de Twadde Keamer yn 2025 yn Fryslân jouwe in oersjoch fan de útslaggen yn de provinsje en kieskring Fryslân by de lanlike Twadde Keamerferkiezings 2025. It risseltaat wie dat de PVV yn Fryslân de grutste partij waard, folge troch it CDA en D66. Fan alle kiezers kamen der 4,0% út Fryslân wat in evenredich oanpart fan 6 mandaten betsjutte. Der waarden lykwols ek 6 Fryske kandidaten ferkeazen fia foarkarstimmen of listfolchoarder.

De lanlike ferkiezings foar de Twadde Keamer waarden holden op woansdei 29 oktober 2025. De stimbusgong wie oarspronklik pland foar maart 2028, mar waard nei foaren helle nei de fal fan it kabinet-Schoof op 3 juny 2025.

Dielnimmers

Listposysje		Fryske listlûker		Wenplak
4		Femke Wiersma		Holwert
8		Habtamu de Hoop		Snits
8		Maarten Goudzwaard		Ljouwert
14		Luciënne Boelsma-Hoekstra		Jiskenhuzen
17		Harry Bevers		Ljouwert
27		Marieke Vellinga-Beemsterboer		Boazum
1		Aant Jelle Soepboer		Nijewier
7		Carlijn Niesink		Wurdum
20		Herman Nota		Parregea
27		Max Aardema		Drachten
30		Hanneke Goede		Snits
36		Anne Johan Woudstra		It Hearrenfean

Utslach

Op 7 novimber 2025 waard troch de Kiesried yn in iepenbiere sitting de definitive útslach fêststeld. Op basis fan it tal útbrochte stimmen yn kieskring Fryslân soe de provinsje sa likernôch rjocht hawwe op seis sitten yn de Twadde Keamer. De foarkarsdrompel lei (mei in kwart fan de kiesdieler) op 17.620 stimmen.

Fryske kandidaten

By de Twadde Keamerferkiezings fan 2025 diene ferskate kandidaten út Fryslân mei op de kandidatenlisten. Fan de partijen dy’t sitten hellen, hiene inkeld FvD, DENK, SGP en Volt gjin kandidaten mei in Fryske eftergrûn op harren kandidatenlist stean.

It evenredich oanpart fan seis sitten waard mei dizze útslach folslein ynfolle troch kandidaten mei in Fryske eftergrûn. Foar Habtamu de Hoop (GL-PvdA, #8) en Luciënne Boelsma-Hoekstra (CDA, #14) waard yn peilings al rekken holden mei harren ferkiezing. Hja stienen relatyf heech op de kandidatenlist fan partijen dy’t neffens ferskate peilings genôch sitten helje soene. Dêrnjonken behelle Habtamu de Hoop sels ek al genôch stimmen foar in foarkarssit.

De lanlike listlûker fan de FNP, Aant Jelle Soepboer, einige mei 4.796 Fryske stimmen as tredde Fryske kandidaat. De partij helle lanlik lykwols net genôch stimmen foar in sit, wêrtroch’t er net yn de Twadde Keamer kaam.

By de oare kandidaten wie it oant de útslach minder wis oft harren partij genôch sitten helje soe om hja yndied ek yn de Twadde Keamer te bringen. Harren ferkiezing wie benammen ôfhinklik fan de lanlike útslach. Femke Wiersma (BBB, #4) wie lykwols mei 18.903 lanlike stimmen net mear ôfhinklik fan de listfolchoarder. Twa oare kandidaten waarden ferkeazen op basis fan harren posysje op de kandidatenlist. Dat jilde foar Harry Bevers (VVD, #17) en Maarten Goudzwaard (JA21, #8).

In útsûndering op de ferwachtings wie de ferkiezing fan Marieke Vellinga-Beemsterboer (D66, #27). Sy waard net keazen op basis fan de listfolchoarder, mar troch foarkarsstimmen. Har ferkiezing waard beskôge as in ferrassing en hold ferbân mei de lanlike aksje ‘Stim op in frou’, dy’t kiezers oprôpen om froulike kandidaten mei foarkarsstimmen te stypjen. Mei 36.576 stimmen helle sy rom de foarkarsdrompel fan 17.620 stimmen en bemachtige sa dochs in sit. Fierút de measte fan dizze stimmen kamen fan bûten Fryslân.

De PVV behelle ien sit te min om der foar te soargjen dat Max Aardema (PVV, #27) ferkeazen waard. Oare Fryske kandidaten bleaune fier wei fan in sit op basis fan foarkarsstimmen of listfolchoarder.

Risseltaten fan de Fryske listlûkers

Listposysje		Namme	Sitten		Rest	Totaal	Seleksje
8	GL-PvdA	Habtamu de Hoop	20✅	13.559	15.046	28.605✅	Foarkarsstimmen
14	CDA	Luciënne Boelsma-Hoekstra	18✅	5.419	1.863	7.282	Listfolchoarder
1	FNP	Aant Jelle Soepboer	0	4.796	1.483	6.279
4	BBB	Femke Wiersma	4✅	4.145	14.758	18.903✅	Foarkarsstimmen
27	D66	Marieke Vellinga-Beemsterboer	26	3.434	33.142	36.576✅	Foarkarsstimmen
17	VVD	Harry Bevers	22✅	1.625	728	2.353	Listfolchoarder
8	JA21	Maarten Goudzwaard	9✅	1.005	837	1.842	Listfolchoarder
27	PVV	Max Aardema	26	683	240	923
7	CU	Carlijn Niesink	3	524	855	1.379
30	SP	Hanneke Goede	3	391	275	666
20	50+	Herman Nota	2	374	180	554
36	PvdD	Anne Johan Woudstra	3	168	99	267

Fryske partijferhâldings

Stimferhâldings 2025

Sa binne de 150 sitten ferdield:

■ PvdD: 2
■ SP: 3
■ GL-PvdA: 19
■ DENK: 0
■ Volt: 1
■ D66: 21
■ CU: 3
■ FNP: 2
■ 50+: 2
■ CDA: 24
■ SGP: 2
■ VVD: 19
■ BBB: 7
■ JA21: 8
■ PVV: 27
■ FVD: 10

De ferkiezingsútslach yn Fryslân liet op ferskate punten in oar byld sjen as yn de rest fan Nederlân. In tal partijen die it yn Fryslân relatyf better as lanlik, wylst oare partijen krekt minder stipe krigen. PVV wie yn de provinsje de grutste partij wylst dat yn de rest fan Nederlân D66 wie. Hjirnjonken is te sjen hoe't de ferdieling fan 150 sitten wêze soe wannear't allinnich de Fryske stimmen meitelle soene. As allinnich Fryslân stimd hie en de rest fan Nederlân net, dan hie de FNP útkaam op twa sitten en DENK op nul.

It grutste ferskil wie foar it CDA. De partij helle yn Fryslân 15,4% fan de stimmen, wylst dat yn de rest fan Nederlân 11,6% wie. Dat betsjutte in positive ôfwyking fan 3,8%. Ek de protestpartijen FvD en de BBB hellen yn Fryslân relatyf mear stipe as lanlik, mei beide in ferskil fan 2,4%.

De Fryske Nasjonale Partij helle 1,5% fan de stimmen yn Fryslân. Bûten de provinsje waard hast net op de partij stimd, wêrtroch’t it ferskil mei de rest fan Nederlân ek 1,5 persintaazjepunt bedroech. Ek de PVV die it yn Fryslân 0,6% better as lanlik, mei 17,3% tsjin 16,6% yn de rest fan it lân. Lytse positive ferskillen wiene der fierder foar de KristenUny, de SP en NSC.

Oan de oare kant hellen guon partijen yn Fryslân relatyf minder stimmen as yn de rest fan Nederlân. It grutste negative ferskil kaam op rekken fan D66, dat yn Fryslân 13,2% fan de stimmen helle tsjin 17,1% yn de rest fan Nederlân. Ek de VVD bleau yn Fryslân fier efter by de rest fan Nederlân, mei in ferskil fan 2,3 persintaazjepunten.

Partijen dy’t yn Fryslân ek minder stipe krigen wiene ûnder oare DENK, de SGP, GrienLinks-PvdA en de Partij foar de Bisten. Ek JA21, Volt, BIJ1 en 50PLUS hellen yn de provinsje in wat leger oandiel fan de stimmen as yn de rest fan it lân.

De sifers litte sjen dat benammen agraryske, kristendemokratyske en protestpartijen yn Fryslân relatyf sterk stienen, wylst guon mear liberale, stedske of lanlik-progressive partijen minder stipe krigen as yn de rest fan it lân.

Ferkiezingsútslach yn Fryslân

Partij		Kieskring Fryslân		Rest fan		Ferskil
		Stimmen	%	Stimmen	%	+/-
	PVV	72.957	17,3%	1.688.009	16,6%	0,6%
	CDA	65.062	15,4%	1.181.812	11,6%	3,8%
	D66	55.817	13,2%	1.734.817	17,1%	3,9%
	GL-PvdA	51.773	12,3%	1.300.390	12,8%	0,6%
	VVD	50.780	12,0%	1.455.049	14,3%	2,3%
	FvD	28.961	6,9%	451.432	4,4%	2,4%
	JA21	23.501	5,6%	605.016	6,0%	0,4%
	BBB	20.864	4,9%	259.052	2,6%	2,4%
	CU	10.537	2,5%	190.824	1,9%	0,6%
	SP	8.723	2,1%	190.862	1,9%	0,2%
	FNP	6.540	1,5%	2.791	0,0%	1,5%
	PvdD	6.343	1,5%	213.028	2,1%	0,6%
	SGP	5.606	1,3%	232.487	2,3%	1,0%
	50+	5.498	1,3%	145.555	1,4%	0,1%
	Volt	2.873	0,7%	113.595	1,1%	0,4%
	NSC	1.891	0,4%	37.517	0,4%	0,1%
	DENK	1.831	0,4%	248.537	2,4%	2,0%
	Oars	2.989	0,7%	98.725	1,1%	0,4%
Jildige stimmen		422.546	100%	10.149.498	100%	0%

De opkomst yn Fryslân wie 81,2% wylst dat yn de rest fan Nederlân 78,2% wie. Hjirmei lei de opkomst yn Fryslân mear as 3% heger as yn de rest fan Nederlân.

Oare saken

Kategory		Fryslân		Rest fan
Kiesgerjochtigden		523.096	100%	13.066.032	100%
	Net opkaam	98.159	18,8%	2.850.645	21,8%
Opkomst		424.937	81,2%	10.215.387	78,2%
	Ûnjildich	768	0,1%	27.438	0,2%
	Blanko	1.623	0,3%	38.505	0,3%
Jildige stimmen		422.546	80,8%	10.149.444	77,7%
Stimoanpart		6,0 sitten	4,0%	144,0 sitten	96,0%

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Twadde Keamerferkiezingen 2025 fan Wikimedia Commons.