Tsjerke fan de Hillige Nikolaas yn Zajaitskoje

Ut Wikipedy
Springe nei navigaasje Springe nei sykjen
Nikolaastsjerke

Николаевская церковь

St Nicholas Church in Zayaitskoye.jpg
lokaasje
lân Flag of Russia.svg Ruslân
plak Flag of Moscow, Russia.svg Moskou
bysûnderheden
type bouwurk Tsjerke
boujier 1751-1759
arsjitekt Dmitri V. Uchtomski
boustyl Elisabethaanske barok
webside svnikolahram.ru

De Tsjerke fan de Hillige Nikolaas is in otterdokske tsjerke út it midden fan de 18e iuw. De tsjerke leit oan de rjochter kant fan de Moskva yn it sintrum fan de Russyske haadstêd Moskou.

Skiednis[bewurkje seksje | boarne bewurkje]

In earste fermelding fan de tsjerke datearret fan 1518. It doe noch houten bouwurk waard yn 1652 ferfongen troch in stiennen tsjerke. Nei ferrin fan tiid ferfoel de tsjerke en waard der mei de bou fan in nije tsjerke begûn, dy't noch foar de foltôging ynstoartte. Yn 1751 waard de bou wer oppakt. Nei alle gedachten wie it ûntwerp ôfkomstich fan Dmitri Vasiljevitsj Uchtomski, yn de tiid fan tsarina Elisabeth Petrovna de belangrykse arsjitekt fan Moskou en in master fan de saneamde Elisabethaanske barok. De bou waard yn 1754 foltôge en op 24 oktober wijde biskop Filemon de rjochter kapel yn ta eare fan Nikolaas fan Myra. Op 31 july waard de lofter kapel wiid oan Sergius fan Radonezj en nei't it ynterieur fan de tsjerke folslein foltôge waard, waard yn 1759 it haadalter oan de Transfiguraasje wijd.

De Nikolaastsjerke yn 1883 (N.A. Naidenov)

It fjoer fan de brân fan Moskou yn 1812 krige gjin fet op de tsjerke, mar troepen Napoleon plonderen de tsjerke en rôven it tsjerkereau. Rynske parochianen soargen der foar dat it tsjerklike reau neitiid wer oanskaft wurde koe.

Tidens it Sovjet-rezjym waard yn de tiid fan de ferfolging fan de Tsjerke de tsjerke foar de earetsjinst sletten en it gebou oan it Russyske enerzjybedriuw Mosenergo yn gebrûk jûn. Yn 1939 wie de gemeente fan doel om de tsjerke ôf te brekken, mar hja kamen net fierder as de sloop fan de koepels en de boppenste ferdjippings fan de klokketoer.

Yn it midden fan de jierren 1950 waard in oerflakkige restauraasje fan it eksterieur útfierd.

De tsjerke waard yn 1996 werom jûn oan de otterdokske mienskip. Dêrnei fûn in yngripende restauraasje plak.

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: [1]