Tsjerke fan Harich

Ut Wikipedy
Jump to navigation Jump to search
De tsjerke fan Harich anno 2011

De tsjerke fan Harich is in monumintaal gebou oan de Stinzenwei yn Harich.

Tinkstien foar de werbou fan de tsjerke yn 1663

De kerk komt út 1663. De âlde tsjerke wie dêrfoar by in stoarm ferwoaste. Yn 1663 wie de nije tsjerke ree.[1] De toer is mei in stoarm stean bleaun en dateart diels út de 12e iuw. It ûnderste del fan de toer is makke fan dowestien. De fan bakstienen mitsele spits fan de toer is letter oanbrocht, mooglik yn 1603. De beide toersklokken waarden yn 1682 en 1683 jitten troch de klokkejitter Petrus Overney. Yn de tsjerke is in grêfmonumint foar de fryske deputearre en grytman fan Gaasterlân Ulbo Aylva Rengers (1726-1787) en syn frou en Nicasia van der Haer (1723-1778).[2]

Ta betinking fan de weropbou fan de tsjerke yn 1663 is in tinkstien yn de muorre oanbrocht mei de tekst:

Dit Huis was Eerst gevelt
Door storrem-windt ter neer
Maar nu ist dus herstelt
Tot Godes eer, en leer:
Sijns volks door SCHELTINGA
Den Grietman van dees kust
Hoort, volgt Gods woort nu na
Op dat uw siele rust 1663

Yn de krystnacht fan 1979 waard de tsjerke troffen troch in grutte brân. De toer bleau ek dit kear sparre.[3] De muorren fan de tsjerke bleauwen yntakt, mar it ynterieur gie ferlern. De tsjerke waard hielendal wersteld en krige in nij oargel, dat boud waard troch it Ljouwerter bedriuw Bakker & Timmenga.[4]

De tsjerke is erkend as ryksmonumint.

Boarnen, noaten en referinsjes[boarne bewurkje]

Boarnen, noaten en/as referinsjes:

  1. Yn 1663 wie Johannes fan Scheltinga grytman fan Gaasterlân en deputearre fan Fryslân. Hy joech de opdracht om de tsjerke te werbouwen.
  2. Nicasia van der Haer hie earder troud west mei David de Wildt, eigener fan Huzinge Riis, troch it houlik fan harren pake- en beppesister kaam dut hûs yn de 19e iuw yn it besit fan Gerard Regnier Gerlacius van Swinderen, grytman en boargemaster fan Gaasterlân.
  3. Ljouwerter Krante d.d. 27 desimber 1979: Hervormde kerk te Harich uitgebrand
  4. Ljouwerter Krante d.d. 5 july 1982: Koorzang van allure