Tramwei Drachten - Grins

Philipsline Tramwei Drachten - Grins
Totale lingte	41,5 km
Spoarwiidte	normaalspoar 1435 mm
Oanlein troch	NTM
Iepene	1913
Sluten	2 juny 1985
Elektrifisearre	nee
Tal spoaren	1
Trajekt
Leginda tramwei fan It Hearrenfean opbrútsen Philips havenspoor 0,0 Drachten fan 1913 ôf tramwei nei Feanwâlden opbrútsen 1,0 Hotel Vreewijk De Folgeren N31 4,5 Drachtster Kompenije 5,8 Luchtenfjild 7,8 grins Fryslân - Grinslân 10,3 Trimunt A7E22 12,9 Mearum 14,6 Kafee De Krúswei Mearum Coöperatie Centrale Groningen Kafee Klaassens Nuis 16,4 Nuis CLV Niebert 21,2 Tolbert 23,3 De Like fan 1965 ôf De Like oant 1965 Lykster Haaddjip 23,7 grins Grinslân - Drinte Café Bulthuis Nietap 27,4 Roan Peizerdjip 31,8 Peize Peizerwold Peizermade Peize Eelderdjip 37,5 grins Drinte - Grinslân Grinzer grins A7E22 Dyk nei Heechtsjerk Feiling Eendracht N370 Laan 1940-1945 spoar fan Harns Haven spoar fan Delfsyl 40,5 NTM Halte Grins tramwei Eelde - Grins opbrútsen Noard-Willemskanaal 41,5 Grins spoar nei Meppel spoar nei Bad Nijeskâns

Eardere spoaroergong by Nijtap- De Folgeren, yn 2008 yn de bestrjitting fan de dyk oanjûn. Neist de krusing steane fjouwer spesjaal ûntwurpen spoarlampen

"Philipsline" is de bynamme fan de tramwei Grins – Drachten. De tramwei is yn 1913 oanlein troch de Nederlânske Tramwei Maatskippij (NTM). De lingte wie 43 kilometer.

Yn Drachten sleat de line oan op de tramwegen nei Feanwâlden en It Hearrenfean. Yn 1947 naam NS de tramwei oer fan NTM, yn 1948 de eksploitaasje, wêrby’t tagelyk it persoaneferfier staakt waard. Yn 1949 naam NTM de tramwei oer fan NS, yn 1956 naam NS de line wer oer.

Letter toande it Philips-fabryk yn Drachten ynteresse yn de net-brûkte tramwei as transportrûte foar de leverânsje fan fracht (it Philipsfabryk waard yn 1951 yn it ramt fan de wurkgelegenheid yn Drachten oprjochte). Der waard noardlik fan Drachten in ferbiningsspoar oanlein dat oansleat op it lyntsje. Philips wie op 't lêst de ienige klant fan NS op dizze line.

It frachtferfier gie troch oant 1985. Dêrnei is de tramwei bûten gebrûk steld. Nei de sluting woe de Nederlânske Feriening fan Belangstellenden yn it Spoar- en tramweiwêzen (NFBS) noch in rit oer dit spoar meitsje. De NS wegere, om't "ticht" ek "ticht" wie. Lykwols makke letter dat jier in Waadrinner de allerlêste rit oer it spoar. Yn de trein sieten skoalbern dy’t it reiske lang foar de slutingsdatum boekt hiene. Yn 1988 is it trajekt folslein opbrutsen. De line wie de lêste NTM-line fan Nederlân dy’t sluten is.

Der hawwe plannen west om de line op 'en nij te aktivearjen, tusken Grins en De Like, as fluchtramferbining.

Fan 20 juny 2013 ôf stie de disellokomotyf NS 662 by in útrinner fan it eardere spoar oan de Lange West yn Drachten. De lok wie eigendom fan de Stichting Spoorverleden Drachten. Yn oktober 2023 waard de NS662 oerdroegen oan Stichting 2454 CREW.

Line

Oan de line leine: Grins, Peize, Roan, De Like, Tolbert, Nybert, Mearum, De Folgeren, Drachten. De line gie dwers troch de sintrums fan De Like en Roan.

Haltes

(net folslein)

• Philips - Drachten
• Drachten
• Hotel Vreewijk - De Folgeren
• Drachtster Kompenije
• Luchtenfjild
• Trimunt
• Mearum
• Kafee De Krúswei - Mearum
• Kafee Klaassens - Nuis
• Nuis
• Niebert
• Kafee De Unie - Tolbert
• De Like
• Kafee Bulthuis - Nietap
• Roan
• Peize
• Peizermade - Peize
• Dyk - Heechtsjerk
• Feiling Eendracht
• Grins
• Stasjon Grins

• 
  In Spurt fan Arriva. Op de foargrûn in oerbliuwsel fan de tramline nei Drachten.
• 
  Alde spoarbrêge fan de Philipsline oer it Oude Diep eastlik fan Roan

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Philipslijn fan Wikimedia Commons.

Keppeling om utens

• Stichting Spoorverleden Drachten