Topaaskolibry
| Topaaskolibry | ||||||||||||
|---|---|---|---|---|---|---|---|---|---|---|---|---|
 | ||||||||||||
| taksonomy | ||||||||||||
| ||||||||||||
| soarte | ||||||||||||
| 'Topaza pella' | ||||||||||||
| (Linnaeus, 1758) | ||||||||||||
| IUCN-status: net bedrige
| ||||||||||||
| ferspriedingsgebiet | ||||||||||||
 |
De topaaskolibry (Topaza pella) is in fûgel út 'e famylje kolibrys (Trochilidae). Tegearre mei de fjoertopaaskolibry (Topaza pyra) heart de soarte ta it skaai fan 'e topaaskolibrys (Topaza). It is ien fan 'e grutste kolibrysoarten fan 'e wrâld en stiet bekend om syn kleurrike fearrekleed.
Ferskining
[bewurkje seksje | boarne bewurkje]De topaaskolibry liket in soad op de fjoertopaaskolibry, mar is yn it algemien wat reader of pears-read fan kleur. It mantsje hat in briljante gouden oant griene kiel, in swarte kop en in djipread bealchje. De twa karakteristike sturtfearren binne tige lang en nei binnen bûge, sadat se inoar krúse. De totale lingte fan it mantsje kin wol 21 oant 23 sintimeter wurde.
It wyfke is folle lytser (sa'n 13 sm) en hat in meastentiids grienich fearrekleed mei in koperkleurige glâns op 'e kiel. Se mist de lange krúste sturtfearren fan it mantsje.
Fersprieding en systematyk
[bewurkje seksje | boarne bewurkje]De topaaskolibry komt foar yn it eastlike part fan it Amazônebekken yn Guyana, Suriname, Frânsk-Guyana, it suden fan Fenezuëla en it noardeasten fan Brazylje.
Der wurde trije ûndersoarten erkend:
- T. p. pella: eastlik Fenezuëla, de Guyana's en it noarden fan Brazylje.
- T. p. smaragdulus: Frânsk-Guyana en it noardeasten fan Brazylje.
- T. p. microrhyncha: Noardeast-Brazylje (yn 'e omkriten fan Belém).
Ekology
[bewurkje seksje | boarne bewurkje]De topaaskolibry libbet yn 'e hegere beamlagen fan it reinwâld, faak tichteby wetterfallen of rivieren mei fluch streamend wetter. Se binne benammen aktyf by it skimerjen (moarnsier en jûns) en ite de nektar fan bloeiende beammen en epifiten, lykas dy út 'e famylje fan 'e Bromeliaceae. Dêrnjonken fange se ynsekten yn 'e loft. De fûgels binne tige lûdroftich, aggresyf by de ferdigening fan it territorium en wurdt faak earder heart as dat er sjoen wurdt.
Status en bedrigingen
[bewurkje seksje | boarne bewurkje]De IUCN klassifisearret de topaaskolibry as net bedrige (Least Concern). Hoewol't de populaasje lokaal lêst hat fan 'e ferneatiging fan it tropysk reinwâld en oannommen wurdt dat de oantallen ôfnimme, wurdt de soarte oer it algemien as stabyl beskôge yn it geskikte habitat.
| Boarnen, noaten en/as referinsjes: | ||
|
BirdLife, oproppen 11 maart 2026. eBird, oproppen 11 maart 2026. Birds of the World, oproppen 11 maart 2026.
|
