Tom Fenchel

Ut Wikipedy
Tom Fenchel
persoanlike bysûnderheden
echte namme Thomas Michael Fenchel
nasjonaliteit Deensk
berne 19 maart 1940
berteplak Kopenhagen (Denemark)
etnisiteit Deensk
wurkpaad
berop/amt biolooch
aktyf as seebiolooch, botanikus
publisist, heechlearaar
jierren aktyf 1964 – no

Tom Fenchel (folút: Thomas Michael Fenchel; Kopenhagen, 19 maart 1940) is in foaroansteand Deensk seebiolooch en heechlearaar.

Karriêre[bewurkje seksje | boarne bewurkje]

Fenchel waard yn 1940 berne yn 'e Deenske haadstêd Kopenhagen, dêr't er yn 1964 en 1969 twa doktoraten yn 'e biology en ekology behelle oan 'e Universiteit fan Kopenhagen. Hy hat lesjûn as heechlearaar, earst oan de Universiteit fan Aarhus en letter oan de Universiteit fan Kopenhagen. Hy konsintrearret him benammen op marine biology, mar hat him ek dwaande holden mei botanyske ûnderwerpen.

Fenchel is in wittenskipper dy't in soad oanhelle wurdt,[1] en stiet û.m. bekend om 'e Wet fan Fenchel (oangeande de ferhâlding tusken populaasjegroei en de grutte fan it oangeande organisme). Hy is lid om utens fan 'e Royal Society[2] en as redakteur belutsen by it wittenskiplik tydskrift Science.[3]

Yn 1986 ûntfong er de ECI priis foar ekology, en sadwaande kaam der yn 1987 in boek fan him út yn 'e ECI Priiswinnersrige Excellence in Ecology, mei as titel Ecology: Potentials and Limitations.[4] Fan 2004 oant 2008 wie Fenchel foarsitter fan 'e Keninklike Deenske Akademy fan Wittenskippen, dêr't er al sûnt 1976 lid fan wie. Yn 2006 waard er ûnderskaat mei de A.C. Redfield-oeuvrepriis fan it Amerikaansk Genoatskip foar Limnology en Oseanografy. Teffens is er lid fan 'e Noarske Akademy fan Wittenskip en Letteren en fan 'e Amerikaanske Nasjonale Akademy fan Wittenskippen.

Boarnen, noaten en referinsjes[boarne bewurkje]

Boarnen, noaten en/as referinsjes:
  1. ISI Highly Cited
  2. List of Fellows
  3. Science Editorial Board
  4. Folsleine tekst fan Ecology: Potentians and Limitations