Tilligte

Tilligte
Haadstrjitte
Bestjoer
Lân	Nederlân
Provinsje	Oerisel
Gemeente	Dinkellân
Sifers
Ynwennertal	890 (1 jannewaris 2023)
Oerflak	10,10 km², dêrfan lân 9,96 km² dêrfan wetter 0,14 km²
Offisjele webside
tilligte.com
Kaart
Lizzing fan Denekamp yn Oerisel
Kaart
Lokaasje fan Tilligte yn 'e gemeente Dinkellân

Tilligte is in lyts doarp yn 'e Twintske gemeente Dinkellân yn 'e Nederlânske provinsje Oerisel. It leit eastlik fan Ootmarsum, oan 'e wei (de N349) yn 'e rjochting fan Denekamp. Oant de gemeentlike weryndieling fan 1 jannewaris 2001 hearde it doarp by de gemeente Denekamp. Tilligte hat likernôch 890 ynwenners(1 jannewaris 2023).

Skiednis

It doarp waard yn 'e Midsiuwen al oantsjut as Tylghede. Mei dat wurd waard yn dy tiid in part fan in ikker oantsjut.

It besjen wurdich

De roomsk-katolike Sint-Simon-en-Judastsjerke is in ûntwerp fan Alexander Kropholler en waard boud yn 1916. De ruten fan dizze tsjerke waarden yn 'e jierren 1950 ûntwurpen en útfierd troch de Oldenzaalske glêsker Jan Schoenaker. Sûnt 2002 is de yn dat jier oan 'e Westenveldweg boude Marijekapel útgroeid ta in beafeartsplak dêr't minsken fan hein en fier op ôf komme.

Yn Tilligte stiet de De Westerveld Möl (foarhinne Brunninkhuismûne neamd), in achtkante bultmûne dy't yn 1864 boud waard. De mûne wurdt, tegearre mei in tal oare mûnen yn 'e gemeente Dinkellân, ûnderholden troch de mûnestifting Lattrop-Tilligte.

Yn it doarp is oan 'e Schoolstraat in ambachtlik bierbrouwerijke fêstige.

Yn Tilligte steane ferskate typysk Twintske pleatsen yn Saksyske boustyl. Twa dêrfan hawwe de status fan beskerme ryksmonumint.

• Ofbylden
• 
  Simon- en Judastsjerke
• 
  Schuivenhuisje
• 
  Monumintale pleats
• 
  Nôtmûne

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Tilligte fan Wikimedia Commons.