Klikstirnzen

Klikstirnzen
Thalasseus sandvicensis
Taksonomy
ryk:	dieren (Animalia)
stamme:	rêchstringdieren (Chordata)
klasse:	fûgels (Aves)
boppeskift:	nije fûgels (Neoaves)
skift:	wilstereftigen (Charadriiformes)
famylje:	seefûgels (Laridae)
skaai:	klikstirnzen (Thalasseus)
Boie, 1822

Klikstirnzen (Thalasseus) foarmje in fûgelskaai út de famylje seefûgels (Laridae).

Ofhinklik fan 'e soarte binne se 35 oant 55 sm lang. It binne slanke, elegante fûgels mei lange, smelle wjukken en in tinne, skerpe snaffel. Se ha in streamline lichemsbou mei in lange, foarke sturt. Oer it generaal binne de fûgels ljochtgriis fan boppe en wyt fan ûnder mei wite wjukrânen en swarte wjuktoppen. Yn 'e briedtiid ha se in swarte mûtse oant krekt ûnder de eagen mei yn 'e nekke in swart túfke. Winterdeis binne se op 'e foarholle witer. De snaffel is lang, rjocht en puntich en meast swart mei in giele tip of oranje en giel. Ferskil tusken mantsjes en wyfkes is der net.

De soarten libje oan see- en oseaankusten op sawat alle kontininten. It binne typyske kustfûgels, dy't jeie op fiskjes troch fan in hichte yn it wetter te dûken. Se briede yn lûdroftige koloanjes op sân of rotsige eilannen.

Soarten

Ofbyld	Wittenskiplike namme	Fryske namme	Status/Trend	Opmerkingen
	Thalasseus sandvicensis	klikstirns	net bedrige stabyl
	Thalasseus acuflavidus	Amerikaanske klikstirns	net evaluëarre	earder in ûndersoarte fan 'e klikstirns
	Thalasseus elegans	Kalifornyske klikstirns	hast bedrige stabyl
	Thalasseus bengalensis	Bingaalske klikstirns	net bedrige stabyl
	Thalasseus albididorsalis	Afrikaanske keningsstirns	net evaluëarre	earder in ûndersoarte fan 'e keningstirns
	Thalasseus maximus	keningsstirns	net bedrige stabyl
	Thalasseus bergii	túfstirns	net bedrige stabyl
	Thalasseus bernsteini	Sineeske klikstirns	krityk

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Thalasseus fan Wikimedia Commons.