Brúnkoptangare

Brúnkoptangare
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift moskeftigen (Passeriformes) famylje tangarefûgels (Thraupidae) skaai echte tangaren (Tangara)
soarte
Tangara gyrola
Linneaus, 1758
net bedrige
ferspriedingsgebiet

De brúnkoptangare (Tangara gyrola) is in fûgelsoarte yn it skaai echte tangaren (Tangara) út de famylje tangarefûgels (Thraupidae).

Beskriuwing

Fûgel yn Kosta Rika.

De brúnkoptangare is in tangaresoarte mei in meast grien bealchje en in readbrúne kop. Guon populaasjes ha in blauwe ûnderkant, wylst oaren dêr folslein grien binne. De soarte liket op 'e brúnwjuktangare (Tangara lavinia), mar hat altiten griene wjukken.

Fersprieding

De brúnkoptangare is ferdield yn njoggen ûndersoarten yn trije groepen mei de folgjende ferdieling:

• albertinae-groep
  • Tangara gyrola bangsi – tropysk en subtropysk Kosta Rika en West-Panama.
  • Tangara gyrola deleticia – Panama (Darién) en West-Kolombia
  • Tangara gyrola nupera – súdwestlik Kolombia (Nariño) en West-Ekwador
  • Tangara gyrola catharinae – noardlik Kolombia en de noardeastlike Andes fan Kolombia oant Sintraal-Bolivia
  • Tangara gyrola parva – súdeastlik Kolombia oant it suden fan Fenezuëla, noardeastlik Perû en Noardwest-Brazylje
  • Tangara gyrola albertinae – Brazylje súd fan 'e Amasône (Rio Purus oant Pará, noardlik Mato Grosso)
• viridissima/toddi-groep
  • Tangara gyrola toddi – berchgebieten fan noardlik Kolombia en noardwestlik Fenezuëla
  • Tangara gyrola viridissima – kustkriten fan noardeastlik Fenezuëla ynklusyf Trinidad
• Tangara gyrola gyrola – súdeastlik Fenezuëla oant Guyana en noardlik Brazylje

Hâlden en dragen

Brúnkoptangaren libje yn 'e middeste en hege lagen fan beammen en boskrânen fan subtropysk en tropysk bosk. Se wurde dêr fakentiden oantroffen yn keppels mei oare soarten. Se libje fan fruchten.

Status

Neffens in rûge rûzing fan 2016 bestiet de populaasje út 5.000.000 oant 50.000.000 folwoeksen fûgels. De oantallen rinne tebek, mar net sa bot en dêrfandinne klassifisearret de Ynternasjonale Uny foar it Behâld fan 'e Natuer (IUCN) de fûgel as net bedrige (LC, 2021).

Boarnen, noaten en/as referinsjes:

Birdlife International Ebird Avibase Commons Wikimedia Commons  Ofbylden dy't by dit ûnderwerp hearre, binne te finen yn de kategory brúnkoptangare fan Wikimedia Commons.