Oranjeboarsttangare

Oranjeboarsttangare
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift moskeftigen (Passeriformes) famylje tangarefûgels (Thraupidae) skaai echte tangaren (Tangara)
soarte
Tangara desmaresti
Vieillot, 1819
net bedrige
ferspriedingsgebiet
Ferspriedingsgebiet yn Brazylje.

De oranjeboarsttangare (Tangara desmaresti) is in fûgelsoarte yn it skaai echte tangaren (Tangara) út de famylje tangarefûgels (Thraupidae). It is in endemyske fûgel fan Brazylje.

Beskriuwing

Fûgel yn it Parque Estadual da Cantareira by São Paulo.

De oranjeboarsttangare is in lytse tangare mei felle kleuren. De snaffel en it gebiet dêromhinne is swart. Om it each en op 'e foarholle is it fûgeltsje blau en der is in swart plak op 'e kiel. It boarst is oranje. De boppedielen en wjukken binne giel en swart en grien en swart streke. Under is de fûgel foar it meast grien.

Fersprieding

De fûgel komt foar yn 'e bercheftige kriten tusken 800 en 1800 m heech by de kust fan súdeastlik Brazylje (Espirito Santo oant eastlik Paraná) en wurdt as monotypysk behannele, itjinge betsjut dat der gjin ferdieling yn ûndersoarten is.

Hâlden en dragen

De oranjeboarsttangare wurdt yn bercheftich bosk oantroffen. Dêr is it in beweechlik fûgeltsje en wurdt er fakentiden waarnommen yn migrearjende keppels fan mingde soarten.

Status

Oranjeboarsttangaeren ha in grut ferspriedingsgebiet en de populaasje wurdt as stabyl beskôge. De Ynternasjonale Uny foar it Behâld fan 'e Natuer (IUCN) klassifisearret de fûgel dêrom as net bedrige (LC, ).

Namme

De wittenskiplike soartenamme fan 'e fûgel ferwiist nei de Frânske soölooch Anselme Gaëtan Desmarest (1784-1838).

Boarnen, noaten en/as referinsjes:

Birdlife International Ebird Avibase Commons Wikimedia Commons  Ofbylden dy't by dit ûnderwerp hearre, binne te finen yn de kategory oranjeboarsttangare fan Wikimedia Commons.