Swartrêchstikelsnaffel
| Swartrêchstikelsnaffel | ||||||||||||
|---|---|---|---|---|---|---|---|---|---|---|---|---|
 | ||||||||||||
| taksonomy | ||||||||||||
| ||||||||||||
| soarte | ||||||||||||
| Ramphomicron dorsale | ||||||||||||
| Salvin & Godman, 1880 | ||||||||||||
IUCN-status: 
| ||||||||||||
| ferspriedingsgebiet | ||||||||||||
 |
De swartrêchstikelsnaffel (Ramphomicron dorsale) is in fûgel út 'e famylje kolibrys (Trochilidae). De fûgel is in nauwe sibbe fan 'e poarperrêchstikelsnaffel, mar hat in folle beheinder ferspriedingsgebiet.
Ferskining
[bewurkje seksje | boarne bewurkje]De swartrêchstikelsnaffel is in lytse kolibry fan sa'n 9 oant 10 sintimeter lang. Lykas de oare soarte yn it skaai hat de swartrêchstikelsnaffel in tige koarte, rjochte, swarte snaffel. It mantsje hat in opfallende, glânzgjende swarte rêch (dêr't de namme fan ôflaat is) en in oliifgriene oant goudgriene kiel. De sturt is relatyf lang en donkerpears oant swart fan kleur. It wyfke hat in glânzgjend griene boppekant en in wyteftige ûnderkant mei grienige plakjes. Har sturt is koarter as dy fan it mantsje en hat wite puntsjes oan 'e bûtenste fearren.
Fersprieding en systematyk
[bewurkje seksje | boarne bewurkje]De swartrêchstikelsnaffel is endemysk foar de Sierra Nevada de Santa Marta yn it noarden fan Kolombia. Dat is in isolearre berchtme dat net fuort op 'e Andes oanslút. De fûgel libbet dêr op grutte hichten tusken de 2.000 en 4.500 meter. De soarte wurdt as monotypysk beskôge; der binne dus gjin ûndersoarten bekend.
Ekology
[bewurkje seksje | boarne bewurkje]De fûgel libbet yn subalpine strewellen op 'e râne fan heechlângreiden (páramo) en op iepen plakken fan it berchwâld. Se fiede harren mei nektar fan ferskate blommen lykas dy fan de Erythrina en sykje ek nei lytse ynsekten. Fanwegen harren koarte snaffel wurde se faak tichtby de blommen hingjend op sittend 'e blom waarnommen wylst se drinke.
Status en bedrigingen
[bewurkje seksje | boarne bewurkje]Op 'e Reade list fan 'e IUCN hat de swartrêchstikelsnaffel de status gefoelich (Near Threatened). Om't de fûgel allinnich foarkomt yn ien spesifyk berchtme, is de populaasje kwetsber foar feroarings yn it habitat, lykas it ferbaarnen fan páramo-fegetaasje foar lânbou of troch klimaatferoaring. It totale leefgebiet is lyts en it oantal fûgels liket ôf te nimmen, mar in grut part falt yn it Nasjonaal Park Sierra Nevada de Santa Marta.
| Boarnen, noaten en/as referinsjes: | ||
|
