Swartkintrap
| swartkintrap | ||||||||||||
|---|---|---|---|---|---|---|---|---|---|---|---|---|
_(31800773344).jpg) | ||||||||||||
| taksonomy | ||||||||||||
| ||||||||||||
| soarte | ||||||||||||
| Heterotetrax vigorsii | ||||||||||||
| Andrew Smith, 1831 | ||||||||||||
IUCN-status:  | ||||||||||||
De swartkintrap (Heterotetrax vigorsii, synonym: Eupodotis vigorsii) of de Karootrap is in fûgel út de famylje fan 'e trapfûgels (Otididae). De fûgel komt foar yn it drûge súdwestlike part fan Afrika. De namme ferwiist nei de karakteristike swarte plak ûnder de snaffel by it mantsje.
Beskriuwing
[bewurkje seksje | boarne bewurkje]De swartkintrap is in middelgrutte grûnfûgel en wurdt likernôch 60 sintimeter grut. It fearrekleed is benammen griisbrún mei fine, donkere spikkels, wat foar in poerbêste skutkleur soarget yn 'e steppe- en woastyngebieten dêr't er libbet. De hals en it boarst binne ljochtgriis oant wyteftich. De fûgel hat in lytse swart plak op it kin dat yn in smelle swarte streek op 'e kiel trochrint. De poaten binne stevich en gielich fan kleur, oanpast oan it rinnen op 'e grûn.
Hoewol't mantsjes en wyfkes in soad op inoar lykje, is it mantsje meastentiids wat grutter en hat er in dúdliker ôftekene swart kielplak. De fûgel wurdt faak earder heard as sjoen; se binne benammen yn 'e skimer te hearren.
Fersprieding
[bewurkje seksje | boarne bewurkje]It ferspriedingsgebiet fan 'e soarte leit yn it suden en westen fan Súd-Afrika (benammen de Grutte en Lytse Karoo) en it suden fan Namybje. De soarte libbet yn iepen, drûge gebieten lykas de Karoo, sânige flaktes mei lege begroeiïng en healwoastinen. It binne stânfûgels dy't it hiele jier troch yn itselde gebiet bliuwe.
De soarte wurdt faak opdield yn twa ûndersoarten, ôfhinklik fan de kleurferiaasjes yn it fearrekleed:
- H. v. vigorsii: it suden fan Súd-Afrika.
- H. v. karrooensis: Súd-Namybje en it noarden fan Súd-Afrika.
Ekology
[bewurkje seksje | boarne bewurkje]
Swartkintrappen libje meastentiids yn pearkes of lytse famyljegroepen. Se foerazjearje op 'e grûn en ite in ferskaat oan sied, blêd en fruchten mar fral ynsekten lykas gaanders en krobben. Se binne tige wach en by gefaar sille se leaver fuortrinne of harren plat tsjin de grûn drukke as opfleane.
It nêst is net mear as in lyts kûltsje yn it sân, faak ûnder in strûkje. It wyfke leit meastentiids mar ien aai, dat troch de skutkleur hast net opfalt tusken de stiennen.
Beskerming
[bewurkje seksje | boarne bewurkje]De swartkintrap wurdt troch de IUCN as net bedrige (Least Concern) klassifisearre. Neffens BirdLife International nimme de oantallen fan 'e soarte ta. Regionaal wurdt lykwols in oar byld sjoen: neffens BirdLife South Africa nimme de oantallen yn Súd-Afrika ôf. Foar (dielen fan) 'e populaasje wurdt rûsd dat de soarte yn trije generaasjes mei likernôch 30% ôfnommen is. BirdLife South Africa pleitet der dêrom foar om de status oan te passen nei hast bedrige (Near Threatened).[1]
| Boarnen, noaten en/as referinsjes: | ||
|
