Streekte goudspanner

streekte goudspanner
Strepe goudspanner oan 'e Westerdyk yn Ryptsjerk.
taksonomy
ryk dieren (Animalia) stamme lidpoatigen (Arthropoda) klasse ynsekten (Insecta) skift flinters (Lepidoptera) famylje lânmjitters (Geometridae) skaai goudspanners (Camptogramma)
soarte
Camptogramma bilineata
Linnaeus, 1758
IUCN-status:

De streekte goudspanner (wittenskiplike namme: Camptogramma bilineata), yn 'e natoergids Nachtflinters fan Sake P. Roodbergen oantsjut as de strepe goudspanner, is in nachtflinter út de famylje fan 'e lânmjitters (Geometridae).

Skaaimerken

Wyfke.

De flinter hat in wjukspanne fan 20 oant 25 millimeter. De foarwjukken binne opfallend goudgiel oant ljochtbrún mei ferskate fine, weagjende, wite en donkere dwersstreken. Troch dizze karakteristike strepen is de soarte meastentiids maklik te ûnderskieden fan oare spanners. De flinter is oerdeis ek faak aktyf en fleant maklik út it gers of fan strûken op as er fersteurd wurdt. By wyfkes binne faak twa oan 'e wite dwersstreken grinzgjende (donker)brune dwersbannen te sjen, wylst it mantsje dêr effener giel is.

De flinter fleant fan maaie oant augustus en de soarte bringt ien of twa generaasjes fuort.

De oant 24 mm lange rûpen libje op ferskate lege planten, lykas Galium, Rumex en fûgelwikje (Vicia cracca). Rûpen binne meastentiids ljochtgrien, gielgrien of bleekbrún. Oer de rêch rint in donkere faak dizige lingtestreek. Dêrnjonken hat de rûp oan 'e sydkanten faak ljochte, witige of giele lingtestreken. De oergongen tusken de segminten kinne giel of rôzich wêze.

Fersprieding

De soarte komt foar yn hast hiel Europa, fan it noarden fan Skandinaavje oant hielendal yn it suden op Malta. Bûten Europa rint it ferspriedingsgebiet fierder troch nei Noard-Afrika, Lyts-Aazje (Turkije), it noarden fan Iran en Turkmenistan en nei it easten ta oer Sibearje oant it Altai-berchtme.

Boarnen, noaten en/as referinsjes:

Global Biodiversity Information Facility, oproppen 28 maaie 2026. Commons Wikimedia Commons  Ofbylden dy't by dit ûnderwerp hearre, binne te finen yn de kategory Streekte goudspanner fan Wikimedia Commons.