Stienbergen (gemeente)

Lân	Nederlân
Provinsje	Noard-Brabân
Haadplak	Stienbergen
Oerflak	159,14 km²
• dêrfan lân	146,50 km²
• dêrfan wetter	12,64 km²
Ynwennertal	24.486 (1 jannewaris 2024)
Befolkingstichtens	167 ynw./km²
Ferkearsier(en)
Netnûmer(s)	0167
Postkoade(s)	4650-4655, 4670-4671,4680-4681, 4756
	www.gemeente-steenbergen.nl

Stienbergen

Stienbergen (Nederlânsk: Steenbergen) is in gemeente yn 'e provinsje Noard-Brabân mei 24.486 (1 jannewaris 2024) ynwenners op in oerflak fan 159,14 km² (wêrfan 12,64 km² wetter).

Skiednis

De gemeente bestiet sûnt 1 jannewaris 1997 yn 'e hjoeddeiske foarm nei in fúzje fan 'e eardere gemeenten Dinteloord en Prinsenland, Nieuw-Vossemeer en Stienbergen (oant 1962 Stienbergen en Krúslân). It haadplak is de stêd Stienbergen.

Plakken

De gemeente bestiet út de folgjende offisjele plakken:

Fierder lizze der yn 'e gemeente de buorskippen: Blauwe Sluis · Bloemendijk · De Bocht · Boompjesdijk · Dintelsas · 't Haantje · Heense Molen · Koevering · Notendaal · De Overval ‎· Rolaf ‎· Visberg · Waterhoefke · Wildenhoek · Zwarte Ruiter.

Twadde Wrâldkriich

De krite waard yn it ramt fan 'e Operaasje Pheasant op 30 oktober 1944 troch it Britske leger en de Poalske 1e Pantserdivyzje befrijd. De striid wie fûl, fral by de brêgen oer it Stienberchske Fliet en yn it omlizzende poldergebiet.

By it opjaan fan it gebiet blaasden de Dútsers ferskate brêgen en gebouwen op. Ek waard de âlde wettertoer fan Steenbergen ferneatige.

It besjen wurdich

Steenbergen hat in soad monumintale en histoaryske gebouwen lykas de Sint-Gummarustsjerke. De toer, ûntwurpen troch de ferneamde arsjitekt Pierre Cuypers is ien fan 'e heechste tsjerken yn Nederlân. Oarspronklik waard de fêsting yn 'e 17e iuw oanlein as ûnderdiel fan 'e ferdigening tsjin Spaanske en letter Frânske oanfallen. Dielen fan 'e âlde ferdigeningswurken binne bewarre bleaun.

De protestantske tsjerke fan Nieuw-Vossemeer is fuort nei de Tachtichjierrige Kriich yn 1649 boud. Yn itselde doarp stiet oan 'e Rykswei 51 de mûne De Vos út 1802.

Benammen yn De Heen, Kruisland en Dinteloord binne âlde pleatsen en hearehûzen te finen.

Natoer

It natoerreservaat Dintelse Gorzen, mei syn waadflakten, kreken, geulen en in protte rûge fegetaasje, is in goed gebiet om te kuierjen en te fytsen.^[2]

In diel fan 'e Slikken fan De Heen falt yn 'e gemeente Stienbergen, in oar diel falt yn 'e provinsje Seelân.^[3]