Someren (gemeente)

Lân	Nederlân
Provinsje	Noard-Brabân
Haadplak	Someren
Oerflak	81,50 km²
• dêrfan lân	80,10 km²
• dêrfan wetter	1,40 km²
Ynwennertal	20.195 (1 jannewaris 2024)
Befolkingstichtens	252 ynw./km²
Ferkearsier(en)
Netnûmer(s)	0492, 0493, 0495
Postkoade(s)	5710–5712, 5715
	www.someren.nl

Someren

Someren is in gemeente yn 'e provinsje Noard-Brabân. Someren hat 20.195 (1 jannewaris 2024) ynwenners en in oerflak fan 81,50 km² (wêrfan 1,40 km² wetter). De gemeente Someren makket diel út fan 'e Metropoalregio Eindhoven.

Oan 'e eastkant wurdt Someren sûnt de lêste grinskorreksje mei Asten begrinzge troch de Zuid-Willemsvaart. By dat kanaal lâns rint de provinsjale dyk N266 (Someren-Nederweert). Someren hat in ferbining mei sawol Belgje as Dútslân oer de A67 by Lierop.

Skiednis

De gemeente Someren ûntstie op 1 maaie 1935 troch de gearfoeging fan 'e doarpen Someren en Lierop.

Doarpen

De gemeente Someren bestiet út twa doarpen: Lierop en Someren. Someren hat fierwei de measte ynwenners, mar de gemeente bestiet út fjouwer sintra: it plak Someren sels en de trije plakken mei in tsjerke: Someren-Eind, Someren-Heide en Lierop. It plak Someren is te ferdielen yn 'e wiken: Someren-Noord, De Loove, Waterdael en Groote Hoeven.