Smaragdpoarperhin

smaragdpoarperhin
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift kraanfûgeleftigen (Gruiformes) famylje ralfûgels (Rallidae) skaai poarperhinnen (Porphyrio)
soarte
Porphyrio madagascariensis
Latham, 1801
IUCN-status: net beoardiele

De smaragdpoarperhin (Porphyrio madagascariensis) is in fûgel út 'e famylje ralfûgels (Rallidae).

Taksonomy

Basearre op yn 1997 en 2015 publisearre molekulêre fylogenetyske stúdzjes waard de gewoane poarperhin opdield yn seis soarten sûnder erkende ûndersoarten. Guon autoriteiten behannelje de smaragdpoarperhin lykwols noch jimmeroan as in ûndersoarte fan 'e poarperhin.

Ferskining

Smaragdpoarperhin yn it Súdafrikaanske Fûgelreservaat Marievale.

De smaragdpoarperhin liket in soad op 'e gewoane poarperhin, mar is grutter en hat in griene of brûnsgriene rêch en skouders. Ek liket er op 'e griiskoppoarperhin fan Aazje, wêrmei't er de grieneftige rêch dielt, mar net de blekere grize kop fan dy soarte.

Fersprieding

De soarte komt foar yn Egypte oan 'e Nyl oant de delta en Afrika besuden de Sahara en op Madagaskar. Yn grutte dielen fan Afrika is it foarkommen fan 'e fûgel hiel lokaal. As swalker is de fûgel oant yn Israel waarnommen.

De fûgel hat in foarkar foar swiet- of brak wetter, stadich streamende rivieren mei in soad reid en begroeiïng, sompen en lân dat splis stiet.

Status

Oannommen wurdt dat de oatallen fan 'e wrâldpopulaasje ôfnimme troch fersteuring en ferlies fan habitat.

Boarnen, noaten en/as referinsjes:

Birds of the World, oproppen 30 novimber 2025. Avibase, oproppen 30 novimber 2025. Ebird, oproppen 30 novimber 2025. Commons Wikimedia Commons  Ofbylden dy't by dit ûnderwerp hearre, binne te finen yn de kategory Smaragdpoarperhin fan Wikimedia Commons.