Smaragddo

smaragddo
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift do-eftigen (Columbiformes) famylje dofûgels of dowen (Columbidae) skaai smaragddowen (Chalcophaps)
soarte
Chalcophaps indica
Linnaeus, 1758
IUCN-status: net bedrige

De smaragddo (Chalcophaps indica) is in fûgelsoarte yn it skaai smaragddowen (Chalcophaps) út de famylje fan 'e dowen (Columbidae).

Skaaimerken

Pearke smaragddowen.

De 23 oant 27 sm lange smaragddo hat heldergriene, glânzgjende wjukken, in koraalreade snaffel en in jiskegrize foarholle. De rest fan it bealchje is meast rôzebrún of kastanjebrun. Op 'e griene wjuk sit in wyt skouderplak. De ûnderbúk is griis en de sturt swarteftich. It wyfkes hat gjin grize kroan mar is dêr brún en dêr't it mantsje mear rôzebrún is, is it wyfke mear ljochtbrún.

Fersprieding

De fûgel libbet yn dielen fan Aazje yn tropysk en subtropysk bosk fan leechlannen oant berchgebieten. Se wurde faak waarnommen op 'e grûn by paden mei in soad skaad en komme ek yn parken mei in soad grien foar. De smarragddo is yntrodusearre yn Porto Riko.

Der binne seis ûndersoarten bekend:

• Chalcophaps indica indica: fan Yndia oant súdlik Sina, Maleizje, de Filipinen, de Yndonezyske en de westlike Papoea Nij-Guineeske eilannen.
• Chalcophaps indica robinsoni: Sry Lanka.
• Chalcophaps indica maxima: Andamanen.
• Chalcophaps indica augusta: Nikobaren.
• Chalcophaps indica natalis: Krysteilân.
• Chalcophaps indica minima: Numfor, Biak en Num (by noardlik Nij-Guineä).

Status

De smaragddo hat in grut ferspriedingsgebiet en de status net bedrige (LC, 2016). Alhoewol't der wol oannommen wurdt dat de soarte yn oantal ôfnimt, is dat net sa slim dat de fûgel as bedrige klassifisearre.

Boarnen, noaten en/as referinsjes:

Birdlife Ebird Avibase Commons Wikimedia Commons  Ofbylden dy't by dit ûnderwerp hearre, binne te finen yn de kategory Smaragddo fan Wikimedia Commons.