Siwalikberchtme
| Siwalikberchtme | ||
 berchtme | ||
 | ||
| De Siwalik-heuvels by Rishikesh. | ||
| geografy | ||
| diel fan | Himalaya | |
| regio | Súd-Aazje | |
| lân | Pakistan, Yndia, Nepal, Bûtan | |
| sifers | ||
| lingte | ± 2.400 km | |
| breedte | 10 - 50 km | |
| heechste punt | Unbekend (ferskillende toppen) | |
| hichte | ± 1.500 - 2.000 m | |
| geology | ||
| yndieling | leechberchtme | |
| âldens | 5 oant 1,5 miljoen jier (Neogeen) | |
| stiensoarte | sânstien en konglomeraat | |
| kaart | ||
 | ||
| ljochtread: lokaasje fan it berchtme | ||
It Siwalikberchtme (ek wol de Siwaliks of de Subhimalaya neamd) is de súdlikste en leechste berchrige fan 'e Himalaya. It berchtme rint parallel oan 'e haadketen fan 'e Himalaya oer in lingte fan likernôch 2.400 kilometer, fan 'e rivier de Indus yn it westen oant de Brahmaputra yn it easten.
Geografy
[bewurkje seksje | boarne bewurkje]De rige leit ferspraat oer de lannen Pakistan, Yndia, Nepal en Bûtan. De breedte fariëarret fan 10 oant 50 kilometer. Fergelike mei oare dielen fan 'e Himalaya binne de Siwaliks relatyf leech, mei hichten dy't meastentiids tusken de 600 en 1.200 meter lizze, hoewol't guon piken boppe de 1.500 meter útkomme.
Noardlik fan 'e Siwaliks lizze de brede dellings dy't de skieding foarmje mei de hegere Lytsere Himalaya. In bekend foarbyld hjirfan is de delling fan Dehradun yn Yndia.
Geology
[bewurkje seksje | boarne bewurkje]Geologysk sjoen binne de Siwaliks de jongste berchrige fan it Himalaya-systeem. Se binne foarme út it sedimint (sânstien, klaai en konglomeraat) dat troch rivieren út 'e hegere Himalaya nei it suden fierd waard.
It berchtme stiet bekend om syn rykdom oan fossilen fan sûchdieren út it Mioseen en Plioseen, wat it in wichtich gebiet makket foar de paleöntology. In pear fan 'e bekendste fossilen út de heuvels binne Megalochelys atlas, de grutste skyldpod dy't ea bestien hat, de sabeltoskat Megantereon falconeri, Sivatherium giganteum, de grutste sjiraf, en de aap Sivapithecus.
Natoer
[bewurkje seksje | boarne bewurkje]De súdlike skeanten fan it berchtme binne faak ticht begroeid mei bosken, lykas de savannes en gerslannen fan Terai-Duar. Bekende nasjonale parken, lykas it Nasjonaal Park Jim Corbett yn Yndia, lizze yn of oan 'e foet fan it berchtme.
| Boarnen, noaten en/as referinsjes: | ||
|
Sjoch foar boarnen: en:Sivalik Hills
|
