Sint Philipsland
| Sint Philipsland | ||
 | ||
| Herfoarme tsjerke | ||
| Symboal | ||
 | ||
| Bestjoer | ||
| Lân |  Nederlân | |
| Provinsje |  Seelân | |
| Gemeente | Toalen | |
| Sifers | ||
| Ynwennertal | 2.670 (2026)[1] | |
| Oerflak | 25,63 km², wêrfan wetter 0,72 km² | |
| Hichte | 0 m | |
| Oar | ||
| Postkoade | 4675 | |
| Netnûmer | 0167 | |
| Kaart | ||
  | ||
| Kaart | ||
 | ||
| Sint Philipsland yn 'e gemeente Toalen | ||
Sint Philipsland (Siuwsk: Flupland) is in doarp yn 'e Nederlânske provinsje Seelân en ûnderdiel fan 'e gemeente Toalen. It doarp op it skiereilân mei deselde namme hat 2.670 ynwenners (2026). Oant 1 jannewaris 1995 wie Sint Philipsland in selsstannige gemeente dêr't ek de kearnen Anna Jacobapolder en De Sluis ta hearden. It doarp hat oer it algemien in behâldend, foar in grut diel protestantsk-kristlik karakter; in grut part fan 'e befolking is lid fan 'e Ald Grifformearde Gemeente yn Nederlân.
Skiednis
[bewurkje seksje | boarne bewurkje]Sint Philipsland ûntstie yn 1487 neidat Anna fan Boergonje, in bûtenechtlike dochter fan hartoch Filips fan Boergonje, it inisjatyf nommen hie ta it yndykjen fan in tal slinken. Hja liet in tsjerke bouwe dy't wijd wie oan Philippus om nei gedachten de beskermhillige fan har heit te earjen en syn namme te behâlden. Dat âlde Sint Philipsland gie ferlern neidat de polder opjûn waard as gefolch fan 'e Alderheljenfloed yn 1532.
Op it hjoeddeiske doarpsgebiet fan Sint Philipsland hat yn 1631 in grutte seeslach plakfûn doe't it lân noch wetter wie: de Slach op it Slaak. Op 12 en 13 septimber fan dat jier wist de Steatske float in grutte Spaanske ynvaazjefloat folslein te ferneatigjen om't de Spanjerts troch it minne sicht en it sakjende tij fêst rekken op 'e sânbanken.
Neidat it gebiet op 'e nij bedike waard yn 1645, ûntstie in nije delsetting yn 'e súdeasthoeke fan 'e polder. It doarp is in saneamd ringfoarstrjittedoarp: de heaks op 'e dyk lizzende Foarstrjitte einiget yn in fjouwerkante ring om de tsjerke út 1668. Op 'e dyk stiet de nôtmûne De Hoop út 1724, in achtkante houten mûne fan it Siuwske type.
Yn 'e rin fan 'e jierren hawwe yn Sint Philipsland ferskate bekende predikanten stien, ûnder wa Pontiaan van Hattem, Pieter van Dijke, Laurens Boone en Lodewijk Gebraad. Sint Philipsland spile in wichtige rol by it ûntstean fan 'e Ald-Grifformearde Gemeenten yn 1907. Yn 1925 waard oan 'e râne fan it doarp in 27 meter hege wettertoer boud.
Sint Philipsland wie in selsstannige gemeente, dy't yn 1995 opheft en gearfoege is mei de doe al besteande gemeente Toalen.[2]. Sint Philipsland wie mei 2.400 ynwenners in lytse gemeente mei mar 7 riedsleden. Tradisjoneel hellet de SGP yn Sint Philipsland by ferkiezings fierwei de measte stimmen.
Yn 2007 wie Sint Philipsland op 'e nij it plak dêr't in tsjerkeferbân oprjochte waard, nammentlik de Ald Grifformearde Gemeenten (bûten ferbân).
It besjen wurdich
[bewurkje seksje | boarne bewurkje]
It doarp hat trije tsjerken:
- De Herfoarme tsjerke (Kerkring 2) is in tsjerkegebou út 1668 yn in ienfâldige klassisistyske styl. It is in oan beide kanten trijesidich sletten sealtsjerke mei dakruter mei Doaryske pilasters. De dakruter waard yn 1844 wersteld. Ta de ynrjochting út de boustiid hearre de preekstoel, in koperen lessener en in ljochtkroan. It ferieningsgebou oan 'e westlike kant is nei 1953 boud. Ut 1873 datearret de eardere pastorije (Kerkring 3). De pastorije is hjoed-de-dei yn partikuliere hannen.
- De tsjerke fan 'e Ald Grifformearde Gemeente (Achterstraat 31) is in sealtsjerke út 1871 mei dakruter. De klamlaach fan wite stien by de foargevel en de rjochter sydgevel binne in tafoeging út om-ende-by 1980.
- Ut 1939 datearret de ienfâldige sealtsjerke fan 'e Grifformearde Gemeente (Voorstraat 19), útfierd yn saaklik-ekspresjonistyske styl.
- It eardere riehûs (Kerkring 1) waard yn 1962 boud neffens in tradisjonalistysk ûntwerp fan A.J. Argelo. Op it stuit wurdt it gebou brûkt as tsjerke foar de Ald Grifformearde Gemeenten Bûten Ferbân.
- Oan 'e Oostdijk stiet de muonts De Hoop út 1724.
- Oan 'e Oostdijk 55 stiet in monumintale pleats út 1924.
| Boarnen, noaten en/as referinsjes: | ||
|
|
Gemeente Toalen |  |
|---|---|---|
| Stêd: Sint-Maartensdijk • Toalen | ||
| Doarpen: Anna Jacobapolder • Oud-Vossemeer • Poortvliet • Scherpenisse • Sint-Annaland • Sint Philipsland • Stavenisse | ||
 ·  ·  | ||