Sint-Willibrordustsjerke (Alphen)

Sint-Willibrordustsjerke
Lokaasje
provinsje	Noard-Brabân
gemeente	Alfen-Chaam
plak	Alphen
adres	Heuvelstraat 1
koördinaten	51°29' N 4°57' E
Tsjerklike gegevens
tsjerkegenoatskip	Roomsk-Katolike Tsjerke
bisdom	Bisdom Breda
wijd oan	Willibrord
Arsjitektuer
arsjitekt	H.W. en G.W.F. Valk
boujier	1955, toer: healwei 16e iuw
boustyl	tradisjonalisme
monumintale status	ryksmonumint
monumintnûmer	7538
Webside
www.sint-jan-de-doper.nl
Kaart

De Sint-Willibrordustsjerke is in roomsk tsjerkegebou yn Alphen yn 'e provinsje Noard-Brabân.

Skiednis

De bou fan 'e toer en it koer sette om 1500 hinne útein. Yn 1542 moast de bou stillein wurde fanwegen de ynvaazje fan 'e Geldersken ûnder lieding fan Maarten fan Rossum. De toer waard nei alle gedachten yn 1559 foltôge en fertsjintwurdiget de lêste faze fan 'e Kempyske gotyk.

De neogoatyske Willibrordtsjerke.

De tsjerke waard yn 1648 troch de protestanten oernommen, mar yn 1820 folge de weromjefte oan 'e katoliken. Om't it gebou yn ferfal rekke wie, folge in restauraasje, mar yn 1909 waard de tsjerke dochs ôfbrutsen. Allinnich de toer bleau steant. De tsjerke waard ferfongen troch in nije neogoatyske tsjerke neffens in ûntwerp fan Joseph Cuypers en Jan Stuyt. De ynwijing wie yn 1910.

Op 7 oktober 1944 stoarte by alliearde besjittings de spits fan 'e tsjerketoer yn op it skip fan 'e tsjerke. De slim skansearre tsjerke waard yn 1955 ferfongen troch in trijeskippige krústsjerke yn tradisjonalistyske styl, ûntwurpen troch de arsjitekt Hendrik Willem Valk. Yn 1966 waard de toer yn 'e orizjinele styl rekonstruearre.

Ynrjochting

Fan 'e oarspronklike tsjerke bleaune it heechalter, de oan Marije en Joazef opdroegen syddalters, in grutte hingjende krusifiks, in doopfont en de kommunybanken bewarre. De brânskildere ramen yn it sydskip litte de tuorren fan 14 omlizzende tsjerken sjen.

Beskriuwing

De trijelidde toer is in ryksmonumint en hat in ynsnuorre spits. Typysk foar de Kempyske gotyk binne de heakske steunbearen fan 'e toer.

Keppeling om utens

• Orgelsite: dispysje oargel

Boarnen, noaten en/as referinsjes:

Reliwiki, oproppen 1 juny 2025. Commons Wikimedia Commons  Ofbylden dy't by dit ûnderwerp hearre, binne te finen yn de kategory Willibrordustsjerke fan Wikimedia Commons.