Sint-Michielsgestel (gemeente)

Lân	Nederlân
Provinsje	Noard-Brabân
Haadplak	Sint-Michielsgestel
Oerflak	59,34 km²
• dêrfan lân	58,35 km²
• dêrfan wetter	0,99 km²
Ynwennertal	30.071 (1 jannewaris 2024)
Befolkingstichtens	515 ynw./km²
Ferkearsier(en)
Netnûmer(s)	073
Postkoade(s)	5258, 5270-5275, 5290-5294
	www.sint-michielsgestel.nl

Sint-Michielsgestel
Gèssel

Sint-Michielsgestel (lokaal: Gèssel) is in gemeente yn 'e provinsje Noard-Brabân, dy't yn 'e Meierij fan de Bosk leit. De gemeente hat 30.071 (1 jannewaris 2024) ynwenners op in oerflak fan 59,34 km² (wêrfan 0,99 km² wetter) en leit op in hichte fan likernôch 5 meter. It wichtichste plak is it doarp Sint-Michielsgestel, dat yn East-Brabân ek wol Gestel neamd wurdt.

Skiednis

De hjoeddeiske gemeente Sint-Michielsgestel ûntstie yn 1996, nei de fúzje fan 'e gemeenten Sint-Michielsgestel, Den Dungen en Berlicum. It doarp Gemonde, dat earder foar in part by de gemeenten Boxtel, Sint-Michielsgestel, Sint-Oedenrode en Schijndel hearde, waard yn syn gehiel tafoege oan 'e nije gemeente Sint-Michielsgestel.

Plakken

Berlicum
Den Dungen
Gemonde
Sint-Michielsgestel

Buorskippen

Beekveld, Berlicum, Besselaar, De Bus, Doornhoek, Haanwijk, Halder, De Hogert, De Loofaert, Den Dungen, Gemonde, Heikantse Hoeve, Hersend, Heult, Hezelaar, Hoek, Horzik, Kerkeind, Laar, Maaskantje, Middelrode, Nijvelaar, Plein, Poeldonk, Ruimel, Tielse Hoeve, Wielsche Hoeven, Wamberg en Woud.

Natoer

De Dommeldelling is in gebiet mei greiden en âlde beammen mei mooglikheden om te kuierjen en te fytsen. De Zegenwerpse Bossen by it lângoed Zegenwerp is in parkeftich boskgebiet fuort by Sint-Michielsgestel.

Noardlik fan 'e gemeente leit Het Bossche Broek, mei in moai útsicht op de skyline fan De Bosk. Súd fan 'e gemeente leit De Geelders, ûnderdiel fan Het Groene Woud.