Sint-Finsintamazône
| Sint-Finsintamazône | ||||||||||||
|---|---|---|---|---|---|---|---|---|---|---|---|---|
.jpg) | ||||||||||||
| taksonomy | ||||||||||||
| ||||||||||||
| soarte | ||||||||||||
| Amazona guildingii | ||||||||||||
| Vigors, 1837 | ||||||||||||
IUCN-status: 
| ||||||||||||
| ferspriedingsgebiet | ||||||||||||
 |
De Sint-Finsintamazône (Amazona guildingii) is in pappegaai-eftige út de famylje fan 'e pappegaaien fan Afrika en de Nije Wrâld (Psittacidae). De wittenskiplike namme fan 'e soarte waard foar it earst yn 1837 troch de Ierske biolooch Nicholas Aylward Vigors publisearre.
Skaaimerken
[bewurkje seksje | boarne bewurkje]De Sint-Finsintamazône wurdt likernôch 41 sm lang. De fûgel hat in grut ferskaat oan kleuren yn it fearrekleed, dat oer it generaal brún- oant brûnskleurich is. De kop is wyt- oant gielich fan kleur, dat op 'e wangen en de krún oergiet yn blau. De wjukken binne hiel kleurich: de dekfearren binne giel (oant oranjebrún) en de slachpinnen binne blau. De blauwe sturt hat in brede giele einbân. De snaffel is griiswyt, de poaten binne griis en de iris is oranje. Der binne twa kleurfoarmen bekend: ien dy't mear brûnskleurich is en ien dy't mear griene tinten yn it fearrekleed hat.
Fersprieding
[bewurkje seksje | boarne bewurkje]De soarte is endemysk foar it eilân Sint-Finsint yn 'e Karibyske See. De fûgel libbet dêr yn 'e fochtige berchwâlden yn it sintrale diel fan it eilân, op hichten tusken de 125 en 1.000 meter. Se hawwe in foarkar foar it tichte blêdetek fan 'e beammen yn it reinwâld.
Iten
[bewurkje seksje | boarne bewurkje]De Sint-Finsintamazône yt benammen fruchten, sied, nuten en beien fan ferskate beamsoorten út it reinwâld. Se spylje in wichtige rol by de fersprieding fan sied op it eilân.
Status
[bewurkje seksje | boarne bewurkje]De Sint-Finsintamazône wurdt troch de IUCN klassifisearre as kwetsber (VU). Yn 'e jierren 1980 wie de populaasje lytser as 500 bisten, mar troch strange beskerming is it oantal wer sa'n 750 oant 1.000 fûgels yn it wyld. De grutste bedrigingen foar de soarte binne it ferlies fan habitat troch de kap fan bosken en de gefolgen fan fulkaanútbarstings fan 'e La Soufrière, dy't it leefgebiet op it eilân folslein ferneatigje kinne. Ek orkanen foarmje in konstant gefaar foar de lytse populaasje. De fûgel is it nasjonale symboal fan it lân Sint-Finsint en de Grenadinen.
Avikultuer
[bewurkje seksje | boarne bewurkje]Yn 'e avikultuer is de Sint-Finsintamazône in tige seldsume amazônesoarte. Om't de fûgel sa slim bedrige wurdt, falt er ûnder de strangste beskerming (CITES I). Der binne bûten it eilân mar in pear fûgels te finen yn spesjalisearre fokprogramma's, lykas op Barbados en yn guon grutte dieretunen yn Europa.
| Boarnen, noaten en/as referinsjes: | ||
|
