Sineeske reuze-iisfûgel

Sineeske reuze-iisfûgel
mantsje wyfke
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift rôldereftigen (Coraciiformes) famylje iisfûgels (Alcedinidae) skaai reuze-iisfûgels (Megaceryle)
soarte
Megaceryle lugubris
Temminck, 1834
IUCN-status: net bedrige
ferspriedingsgebiet

De Sineeske reuze-iisfûgel (Megaceryle lugubris) is in fûgel út de famylje iisfûgels (Alcedinidae).

Beskriuwing

Mantsje.

Wyfke.

De oant 43 sm lange soarte hat in opfallende túf. Syn fearren ha in patroan fan grize en wite plakken en de búk en de hals binne wyt. It mantsje hat in smelle, brutsen oranje halsbân, wylst it wyfkes ûnder de wjukken oranje dekfearren hat.

Fersprieding

De soart libbet fan noardeastlike Afganistan oant sintraal Fjetnam en Japan. Se ha in foarkar foar hurdstreamende, skjinne rivieren mei natuerlik iggen.

Undersoarten

Fan 'e soarte binne fjouwer ûndersoarten bekend:

• M. l. continentalis: de westelike en sintrale Himalaya.
• M. l. guttulata: fan 'e eastlike Himalaya oant Sintraal-Sina en noardlik Yndosina.
• M. l. pallida: Hokkaido (noardlik Japan) en de súdlike Koerilen (Ruslân).
• M. l. lugubris: Sintraal en Súd-Japan.

Status

Der is gjin rûzing oer de oantallen fan 'e soarte. Sineeske reuze-iisfûgels ha in grut ferspriedings gebiet. Op 'e Reade list fan 'e IUCN stiet de soarte dêrom as net bedrige klassifisearre (2024). De oantallen nimme oer it generaal tebek. Yn in grut diel fan Japan wurdt de soarte bygelyks as bedrige beskôge troch ôfnimmende oantallen as gefolch fan biotoopferlies en ek feroaringen yn Nepal, lykas ûntbosking en bouaktiviteiten, bedriigje de fûgel. Keunstmjittige wetterrinnen en de oanlis fan dammen makket harren leefgebiet ûngeskikt. Se ferlieze harren briedplakken as de iggen fan rivieren mei stien bedike wurde of weispiele troch de kap fan beammen. De soarte hat boppedat grutte territoaria nedich, sadat biotoopferlies al gau de populaasje ûnder druk set. It oanpassingsfermogen fan 'e soarte oan oare lânskippen is mooglik, mar beheind.

Boarnen, noaten en referinsjes

Boarnen, noaten en/as referinsjes:

Birdlife Ebird Avibase Commons Wikimedia Commons  Ofbylden dy't by dit ûnderwerp hearre, binne te finen yn de kategory Sineeske reuze-iisfûgel fan Wikimedia Commons.