Sanaksarkleaster

Ut Wikipedy
Jump to navigation Jump to search
Kleaster Sanaksar

Санаксарский монастырь

Санаксарский мужской монастырь.Фасад. Санаксарь. Мордовия.JPG
lokaasje
lân Flag of Russia.svg Ruslân
Republyk Flag of Mordovia.svg Mordoovje
plak Coat of Arms of Temnikov (Mordovia) (1781).png Temnikov
bysûnderheden
type bouwurk Kleaster
boujier Twadde helte 18e iuw

It Sanaksarkleaster fan de Berte fan de Mem Gods (Russysk: Рождество-Богородичный Санакса́рский монастырь) is in russysk-otterdoksk kleaster oan de Mosksja, in sydrivier fan de Oka, yn de omkriten fan Temnikov yn de Russyske republyk Mordoovje.

Skiednis[bewurkje seksje | boarne bewurkje]

It kleaster waard yn 1659 ûnder it bewâld fan tsaar Aleksej I stifte op sa'n trije werst fan Temnikov oan de lofter kant fan de rivier de Moksja. It marke dat by it Sanaksarkleaster leit joech de namme, letterlik betsjut dat yn it lokale dialekt "lizzend yn in sompige delte by de heuvel".

In iuw nei de stifting rêde it kleaster it net mear; it ferlear de selsstannigens en waard tawiisd oan it Sarov-kleaster. Under de starets Fjodor (1718–1791), in omke fan de ferneamde marine-kommandant Fjodor Oesjakov (1744-1817), waard it kleaster wer op boud en makke it in nije bloeiperioade troch. De houten gebouwen waarden ferfongentroch stiennen gebouwe en it Sanaksarkleaster ûnjoech him mei Sarov ta in wichtich spiritueel sintrum fan it Keizerryk.

De Katedraal fan de Berte fan de Mem Gods

Fjodor (boargelike namme Ivan Ignatjewitsj Oesjakov) en syn omkesizzer Fjodor Oesjakov binne yn it kleaster byset en beide troch de Tsjerke hillich ferklearre. Ek tsjintwurdich wurde harren reliken noch altiten fereare yn it kleaster.

Nei de Oktoberrevolúsje moast it kleaster yn oktober 1929 de poarten slute.

It regear fan Mordoovje naam yn 1991 it beslut it eardere kleasterkompleks werom te jaan oan it bisdom Saransk. Op 26 maaie 1991, op de feestdei fan de Hillige Trije-ienheid, waard der foar it earst wer in tsjinst fierd.

Tsjerken[bewurkje seksje | boarne bewurkje]

De gebouwen fan it kleaster datearje út de twadde helte fan de 18e iuw. De haadyngong fan it troch muorren en gebouwen omsletten kleaster wurdt foarme troch de 52 meter hege, oan de Transfiguraasje wijde, poartetsjerke (1774-1776). Yn it súdeastlike diel stiet de ienkoepelige Vladimirtsjerke (1780-1782). De gastenferbliuwen lizze oan de westlike kant fan it kompleks. Sintraal op it terrein stiet de monumintale katedraal (1765-1773), dy't wijd is oan de berte fan de Mem Gods en boud wurde koe mei donaasjes fan Katarina de Grutte. It fiifkoepelige gebou yn de styl fan de barok en rokoko bestiet út in boppe- en benedentsjerke en is sawol oan de binnen- as bûtenkant ryk dekorearre.

In pear hûndert meter bûten it kompleks leit it ommuorre tsjerkhôf mei de klassisistyske Ferrizenistsjerke 1805-1810.[1]

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: ru:Санаксарский монастырь