Safaripark Beekse Bergen

	Safaripark Beekse Bergen
	dieretún
	Yngong Safaripark Beekse Bergen (2006)
	lokaasje
lân	Nederlân
Provinsje	Noard-Brabân
Gemeente	Hilvarenbeek
plak	Hilvarenbeek
koördinaten	51° 31' NB, 5° 6' EL
	bysûnderheden
type	Safaripark
tema	Afrika
diel fan	Libéma
oerflak	120 ha
tal bisten	1,500
tal soarten	205 (2016)
wurknimmers	170
besikers	850.000 (2013)
netwurk(en)	EAZA, NVD
	skiednis
iepening	1968
	gebou
boujier	1968
	offisjele webside
	webstee Safaripark Beekse Bergen
	kaart
	; De lokaasje fan Safaripark Beekse Bergen yn Noard-Brabân.

Safaripark Beekse Bergen, is in bistetún yn yn Hilvarenbeek yn Noard-Brabân, en makket diel út fan de groep fan Beekse Bergen, dêr't ek Speelland Beekse Bergen diel fan útmakket. It is kwa oerflakte it grutste bistepark fan de Benelúks. Op grutte iepen flaktes binne der sebra's, sjiraffen en strúsfûgels. Fierder binne der liuwen, noashoarns, oaljefanten en jachtloaihoarsen.

Skiednis

Ein jierren fyftich ûntstie troch sânwinning tusken Tilburch en Hilvarenbeek in grutte wetterplasse. Nei jierren fan oerlis waard troch de eigeners, de gemeenten Tilburg en Hilvarenbeek, yn de jierren 60 it "Strand- en Speelland" ynrjochte. Dit park rjochte him yn it begjin benammen op simmerrekreaasje. Yn 1968 waard it "Leeuwenpark Beekse Bergen" iepene. It bestie allinnich út fjouwer parten dêr't liuwen út 'e auto wei observearje wurde koene. It park luts in soad besikers; it gefolch wie dat der grutte drokte ûntstie yn en bûten it park. De besikers brochten gemiddeld ien oant oardel oere yn it park troch.

Yn 1970 wreide it park út mei in terrein foar jachtloaihoarsen. Ek waard der yn dat jier in terrein oan it park taheakke dêr't bavianen harren ûnderkommen yn krigen. Yn 1980 waard it wyldpark oan it besteande park taheakke wêrtroch 't de totale oerflakte útgroeide ta 120 hektare. Yn dit nije gebiet waarden Przewalskihynders, reaharten, deimen, aksisharten, Japanske sikaharten en moeflons útset.

De kuiersafary waard yn 1982 yn gebrûk nommen. Dy beheinde him ta in lyts part fan it park. It joech de besikers de kâns om har skonken ris te strekken en om lytsere bistesoarten te observearjen dy 't te lyts wiene om yn it park frij rûn te rinnen. Op ferskate eilantsjes koe men ringsturtmakys, deahaadaapkes en pinguins sjen.

Yn de jierren dy 't dêrop folgen, kaam it bestean fan it Safaripark Beekse Bergen yn gefaar. De gemeenten besleaten de Beekse Bergen te sluten oft der in nije eigener foar te sykjen. Yn 1985 waard de "Stichting Vrienden Safaripark Beekse Bergen" yn libben roppen, dy't har ynsette soe foar it behâld fan it park. Yn 1987 gie it park oer yn priveehannen, wêrnei't it grutte feroarings ûndergie. Libéma waard de nije eigener. Der waard ein jierren '80 al úteinset mei de oanlis fan in wetterpartij foar safaryboaten. De fokus kaam dêrneist mear op de kuiersafary te lizzen, dy't yn 1991 útwreide waard.

Begjin 2007 binne twa grutte sjimpanseeferbliuwen en in gorillaferbliuw iepene. Yn 2008 folgen noch twa groepen sjimpansees. Yn 2016 waard begûn mei in nije ynrjochting fan'e autosafary, troch grutskalige ferhuzingen en it fernijen fan twa gebieten waard besocht om in kompleter byld fan Afrika te skeppen en de sichtberens te fergrutsjen.

Yn 2018 bestie "Safaripark Beekse Bergen" 50 jier; yn it jubileumjier waard "Safari Resort" iepene sadat besikers fan it park fan dat momint ôf ek yn it park oernachtsje kinne.