SBV Excelsior

Ut Wikipedy
Springe nei navigaasje Springe nei sykjen
Excelsior Rotterdam
Stadion Woudestein
Stadion Woudestein
Oprjochte 23 july 1902
Plak Rotterdam
Stadion Stadion Woudestein
Kapasiteit 4.400
Foarsitter Bob de Lange
Trener Ricardo Moniz
Kompetysje Earste difyzje
Tenu ûntbrekt

SBV Excelsior is in Nederlânske betellefuotbalklup út de wyk Kralingen yn Rotterdam. Excelsior spilet syn thúswedstriden yn it stadion Woudestein, dêr't 4400 yn kinne. Fan 1 maaie 2017 ôf is Van Donge & De Roo Stadion de offisjele namme.[1]

Skiednis[bewurkje seksje | boarne bewurkje]

Excelsior waard oprjochte op 23 july 1902 troch in groep Kralingske freonen dy't elkoar yn dy tiid geregeld troffen op Woudestein, om te fuotbaljen.

Yn 1902 wie Excelsior ien fan de earste arbeidersklups. Oant dat momint wie it fuotbal in sport foar benammen de elite, mar nei de iuwwiksel kamen der hieltyd mear arbeidersklups. Fansels waard Woudestein de lokaasje fan Excelsior, al spile de klup ek twa kear koart op in oar plak. Yn 1907 spile Excelsior op it Afrikaanderplein en fan 1922 oant 1939 op it Toepad. Koart foar de oarloch, doe't in marinierskazerne op it Toepad boud waard, ferhuze Excelsior werom nei Woudestein.

Excelsior wie de earste klup yn Nederlân yn 1958 mei in oerdekte steantribune. De leden soargen foar it jild en in groep frijwilligers foar de bou.

Earste klup mei shirtsponsor[bewurkje seksje | boarne bewurkje]

Yn 1974 wie Excelsior ek de earste klup mei in sponsor op it shirt yn it Nederlânske fuotbal. De klub hie in grutte A op it boarst. Dy stie foar it bedriuw Akai fan Rob Albers. Der waard sein dat de A ferwiisde nei de A-seleksje fan Excelsior, mar de letter waard dochs ferbean. Earst yn 1982 waard shirtreklame tastien. Akai kaam wer op it boarst by Excelsior en bleau dêr oant 2000.

Gearwurking mei Feyenoord[bewurkje seksje | boarne bewurkje]

Tusken 1997 en 2005 wie Excelsior in satellytferiening fan stedsgenoat Feyenoord. Dit betsjutte dat Feyenoord tydlik spilers tawiisde oan Excelsior om har de kâns te jaan om ûnderfining op in leger nivo te krijen. Nei it minne seizoen 2004/2005, wêryn't de prestaasjes fan in oantal by Exelsior stasjonearre Feyenoordspilers en Feyenoordcoach John Metgod teloarstellend wiene, wie der hieltyd minder gearwurking. Sa spile yn it seizoen 2006/2007 noch mar ien spiler fan Feyenoord by Excelsior. Yn 2014 waard in fernijde gearwurking, oprjochte yn 2009 troch Leo Beenhakker, formeel annulearre troch beide klups. Oan 'e ein fan it seizoen 2014/2015 kundigen de klups oan dat de offisjele gearwurking ôfrûn wie. [2]

Resinte skiednis: op en del[bewurkje seksje | boarne bewurkje]

Nei't Exelsior sûnt ein jierren 80 hieltyd yn 'e Earste difyzje spile, kaam de omslach foar de klup yn it seizoen 2001/2002, foar in part troch de gearwurking mei Feyenoord. Excelsior helle hieltyd bettere prestaasjes en promovearre nei de Eredivisie yn it jier wêryn't de klup 100 jier bestie. It aventoer op it heechste nivo duorre lykwols mar ien seizoen, om't fuortendaliks degradaasje folge. Yn it seizoen 2005/2006 die Excelsior yn 't earstoan noch ûnferwachts mei om de prizen. Uteinlik waard de klup sels kampioen yn in kompetysje wêryn't VVV-Venlo fan tefoaren de favoryt wie. It kampioenskip smiet de klup wer promoasje nei de Eredivisie op.

Excelsior einige as 16e yn 'e Eredivisie yn it seizoen 2006/2007 en moast fjochtsje tsjin degradaasje yn 'e play-offs. Wichtige prestaasjes dat seizoen wiene lykspullen tsjin Ajax en PSV en de 3-2 oerwinning op AZ yn 'e spannende lêste kompetysjeronde, wêrtroch't AZ it kampioenskip misrûn. AZ sleat de play-offs goed ôf: nei it ferslaan fan BV Veendam (0-1 en 3-0), waard RBC Roosendaal ek ferslein oer twa wedstriden: yn Roosendaal waard it 1-1 en yn Rotterdam wûn Excelsior 1-0, sadat de Kralingers noch in jier op it heechste nivo spilen. It folgjende seizoen slagge dat net. Yn 'e lêste kompetysjeronde ferlear Excelsior fan SC Hearrenfean, wylst konkurrint VVV-Venlo wûn. Nei twa seizoenen yn 'e Eredivisie spile Excelsior mei yngong fan 2008/2009 wer yn de Earste Difyzje. Yn it seizoen 2009/2010 promovearre de klup fia de play-offs wer nei de Eeredifyzje. Dat troch winst op de konkurrint út Rotterdam, Sparta Rotterdam. It beslissende doelpunt foel yn 'e fjirde minút fan blessueretiid, wylst Sparta yn de twadde minút fan blessueretiid noch op foarsprong kaam wie. Boppedat miste de doelpuntenmakker fan Excelsior, Guyon Fernandez, yn 'e 89e minút noch in penalty.

Yn 'e Jupiler League belibbe Excelsior in teloarstellend seizoen. Excelsior waard 15e ûnder de nije trainer Leon Vlemmings. Foar it folgjende seizoen gie de bezem troch de seleksje en kaam der in nije trainer, Jon Dahl Tomasson. It wie de earste kear yn 'e skiednis fan de klup dat Excelsior in trainer fuortstjoerde. It nije seizoen gie goed. Op twadde krystdei 2013 ferliet Tomasson Excelsior lykwols foar Roda JC Kerkrade. Marinus Dijkhuizen waard op 1 jannewaris 2014 beneamd as opfolger. Under syn lieding hie Excelsior in goede twadde seizoenshelte. De klup klom nei it tredde plak, ûnder oare troch in 8-0 oerwinning op Telstar. Troch de neikompetysje promovearre Excelsior foar de achtste kear yn 'e skiednis nei de Eredivisie.

Op 15 jannewaris 2014 makke foarsitter Albert de Jong bekend dat Excelsior mar krekt in fallisemint foarkommen hie. Neffens De Jong wie de unferwachte minne prestaasje fan it seizoen 2012/13 de wichtichste reden foar in tekoart fan trije miljoen euro. Hy ferwachtet mei de tiid werom te gean nei kategory 2. [3]

Excelsior hanthavene himsels op it heechste nivo yn it seizoen 2014/15. Yn de lytste kompetysjeronde spile de klup mei 2-2 lyk tsjin FC Utrecht, wat betsjutte dat de Rotterdammers net mear ynhelle wurde koene troch efterfolgers Go Ahead Eagles en NAC Breda.

Excelsior einige ek op it fyftjinde plak yn it seizoen 2015/16, doe ûnder lieding fan de nije trainer Alfons Groenendijk. Yn 'e lêste wedstriid wie in 2-0 oerwinning yn Ljouwert op hikkesluter SC Cambuur genôch. Oan it ein fan it seizoen gie Groenendijk in jier earder fuort as ôfpraat. Mitchell van der Gaag wie syn opfolger. In oantal basisspilers ferliet de klup ek, mar Excelsior hie in sterk seizoen 2016/2017. De klup einige as tolfde, it bêste resultaat sûnt 1985. In jier letter waard Excelsior sels alfde. Yn it seizoen 2018/2019 gie it dochs wer mis. Excelsior einige as sechstjinde en degradearre fia de play-offs.

Earelist[bewurkje seksje | boarne bewurkje]

1974, 1979, 2006
  • Sulveren Bal (1 kear)
1927 (finale: Feyenoord - Excelsior 0-5)
1930 (finale: Feyenoord - Excelsior 1-0)

Klupkultuer[bewurkje seksje | boarne bewurkje]

Imago[bewurkje seksje | boarne bewurkje]

Excelsior hat it imago fan âld-papierklup, om't âld-foarsitter Henk Zon jierren âld papier ophelle foar 'ons geliefd' Excelsior. Mei it jild dat dat opsmiet koene de frijwilligers altyd in fallisemint foarkomme.

Klupliet[bewurkje seksje | boarne bewurkje]

It klupliet fan Excelsior hjit Ferme jongens, stoere knapen. It is skreaun troch âld-foarsitter Toon Kenters. In oare âld-foarsitter, Henk Zon, song it nûmer mei Rotte's mannenkoor. 'Ferme jongens, stoere knapen' waard yn 1977 útbrocht as single, mar bestie al folle earder.

Maskotte[bewurkje seksje | boarne bewurkje]

Sûnt it seizoen 2008-2009 hat Excelsior in echte maskotte, dy't fuortkommen is út 'e oprjochting fan 'e berneklup (De Woudies). De maskotte ferskynt foar it begjin fan elke thúswedstriid en wiuwt nei de oanwêzige supporters. De namme fan de maskotte is Woutje Stein, neamd nei it stadion Woudestein.

Rivaliteit[bewurkje seksje | boarne bewurkje]

Excelsior is de tredde profesjonele klup fan Rotterdam, nei Feyenoord en Sparta. De wedstriden tusken de trije klups jouwe altyd in ekstra lading oan in wedstriid. De derby's wurde net alle seizoenen spile, omdat Sparta en Excelsior geregeld in nivo leger spylje as Feyenoord. De derby tusken Sparta en Excelsior hie yn 2010 noch in ekstra lading, om't de twa elkoar troffen yn de striid foar in plakje yn de earedifyzje. Excelsior wûn troch in goal fan Guyon Fernandez yn de 94e minút oer twa wedstriden fan Sparta, en promovearre dêrmei. Yn 2017 hie de wedstriid tusken Excelsior en koprinner Feyenoord ek in ekstra lading. Excelsior wûn tige ferrassend mei 3-0 en soarge derfoar dat Feyenoord noch gjin kampioen wie. Uteinlik pakte Feyenoord dat seizoen wol de lânstitel.

Oare teams[bewurkje seksje | boarne bewurkje]

Froulju[bewurkje seksje | boarne bewurkje]

Excelsior kundige op 10 april 2017 oan dat mei yngong fan it seizoen 2017/18 ek mei in frouljusploech meidogge yn 'e Eredivisie foar fruolju. Se wurkje dêrby gear mei amateurfuotbalklup BVV Barendrecht. De froulju spylje de kompetysjewedstriden op sawol sportpark De Bongerd fan Barendrecht as yn stadion Woudestein fan Excelsior yn Rotterdam.

Trivia[bewurkje seksje | boarne bewurkje]

  • Betsjutting fan Excelsior; ex` cel - si - as (Latyn): hieltyd heger as better.
  • Nei it seizoen 2011-2012, wêryn't de klub degradearre, slagge Excelsior der hast yn om Europeesk fuotbal te heljen. Op basis fan it UEFA Fair Play-klassemint waard it team út Rotterdam twadde, efter FC Twente.
  • Yn 'e maitiid fan 2014 brocht Calvé in telefyzjereklame út mei Excelsior en Robin van Persie yn 'e haadrol, tegearre mei syn eardere jeugdtrainer Aad Putters. Yn de reklame wurde de earste stappen fan Van Persie as fuotballer toand. Excelsior helle Van Persie as fiifjierrich jonkje nei de klup, wylst seis jier de minimale leeftyd wie. [4]

Eksterne keppelingen[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: