Sângril

sângril
taksonomy
ryk	dieren (Animalia)
stamme	rêchstringdieren (Chordata)
klasse	fûgels (Aves)
skift	wilstereftigen (Charadriiformes)
famylje	snipfûgels (Scolopacidae)
skaai	grillen (Calidris)
soarte
Calidris alba
	Pallas, 1764
	IUCN-status:
ferspriedingsgebiet
	briedfûgel; trekfûgel wintergast ;

De sângril^[1] of moddersnip^[2] (Calidris alba) is in fûgel út de famylje fan 'e snipfûgels (Scolopacidae).

Skaaimerken

De sângril wurdt likernôch 20 sintimeter grut. Simmerdeis binne sângrillen readbrún en hawwe se in wite búk. Winterdeis binne se griiswyt mei donkere skouders. De poaten en snaffel binne roetswart.

Fersprieding en leefgebiet

Dizze soarte komt foar yn Noard-Amearika, Alaska, Grienlân, Spitsbergen en it noardlike diel fan Sibearje. Hy oerwinteret yn Súdwest-Jeropa, it westlike Middellânske Seegebiet, Afrika, Súd-Amearika en Austraalje.

De soarte telt twa ûndersoarten:

C. a. alba: briedt op Ellesmere, noardlik en eastlik Grienlân, Spitsbergen, Frâns Joazeflân en Taimyr.
C. a. rubida: briedt yn noardeastlik Sibearje, Alaska en noardlik Kanada.

Nederlân

Yn Nederlân komt de soarte as wintergast oan 'e hiele kust foar. Yn Fryslân is de fûgel winterdeis fral oanwêzich op 'e Waadeilannen. Tusken de jierren 1995 en 2015 namen de oantallen yn Nederlân ta. Se binne oan sânstrannen te sjen, dêr't se efter de ôfrinnende weagen oanrinne.

Hâlden en dragen

De fûgel briedt op 'e noardlike tûndra.

It iten fan dizze yn groepen libjende fûgels bestiet út ynsekten, lytse wjirms en slakken, mar ek grienwier, moas en sied. De soarte is folle minder in waadfûgels as oare grillen. De rop fan 'e trijeteangril is skel, koart en heech.

Status

Oannommen wurdt dat de oantallen fan 'e sângril ôfnimme. Dochs beskôget de IUCN de populaasje noch grut genôch om de soarte as net bedrige (Least Concern) op 'e Reade List te klassifisearjen.

Boarnen, noaten en referinsjes

Boarnen, noaten en/as referinsjes:

↑ Pott, Eckart en Roodbergen, Sake P., Fûgels, De Gordyk, 2005 (Bornmeer / It Fryske Gea), ISBN 978-9 08 04 22 032, s. 159.
↑ Zantema, J.W., Frysk Wurdboek: Frysk-Nederlânsk, Drachten/Ljouwert, 1984 (Utjouwerij A.J. Osinga/Fryske Akademy), ISBN 9 06 06 64 40X, s. 627.

Wikimedia Commons

Ofbylden dy't by dit ûnderwerp hearre, binne te finen yn de kategory Calidris alba fan Wikimedia Commons.

[1] Pott, Eckart en Roodbergen, Sake P., Fûgels, De Gordyk, 2005 (Bornmeer / It Fryske Gea), ISBN 978-9 08 04 22 032, s. 159.

[2] Zantema, J.W., Frysk Wurdboek: Frysk-Nederlânsk, Drachten/Ljouwert, 1984 (Utjouwerij A.J. Osinga/Fryske Akademy), ISBN 9 06 06 64 40X, s. 627.

[1]

[2]