Ringbekmiuw

Ringbekmiuw
taksonomy
ryk	dieren (Animalia)
stamme	rêchstringdieren (Chordata)
klasse	fûgels (Aves)
skift	wilstereftigen (Charadriiformes)
famylje	seefûgels (Laridae)
skaai	miuwen (Larus)
soarte
Larus delawarensis
	IUCN-status: net bedrige
ferspriedingsgebiet
	briedfûgel ; trekfûgel wintergast ; stânfûgel ;

De ringbekmiuw (Larus delawarensis) is in fûgelsoarte yn it skaai miuwen (Larus) út de famylje seefûgels (Laridae).

Skaaimerken

De ringbekmiuw hat in soad fan in sulvermiuw, mar is wat grutter, swierder en hat in dikkere snaffel. Hy wurdt 41–49 sm lang en hat in spanwiidte fan 112–124 sm. De fûgel weaget tusken de 400 en 590 gram. De westlike populaasje is grutter as de eastlike populaasje.

Folwoeksen ringbekmiuwen ha simmerdeis in wite kop, nekke en ûnderliif. De rêch en wjukken binne sulvergriis en de poaten binne giel. De giele snaffel hat in dúdlike swarte bân oer de ljochtgiele punt fan 'e snaffel. De ringbekmiuw hat in giel iris mei in reade eachring.

De ringbekmiuw kriget pas nei trije jier syn folwoeksen dracht en hat as juvenyl in foar in grut part brún fearrekleed. Mei it ferfearjen feroaret it fearrekleed.

Ringbekmiuwen wurde as se folwoeksen wurde trochstrings likernôch alve jier âld.

Juvenyl.
Earste winterdracht.
Twadde winterdracht.

Fersprieding

It briedgebiet fan 'e soarte leit by marren, rivieren en de kust fan it grutste part fan Kanada en it noarden fan 'e Feriene Steaten. Ringbekmiuwen binne faak te sjen op parkearplakken, dêr't se faak yn grutte oantallen by inoar komme. It binne trekfûgels, dy't nei it suden nei de Golf fan Meksiko en de kusten fan 'e Atlantyske- en Stille Oseaan fan 'e Feriene Steaten en noardlik Meksiko migrearje. Guon bliuwe lykwols yn Kanada yn 'e gebieten mei de minst strange wintertemperatueren yn súdwest Britsk-Kolumbia en oan 'e Atlantyske kust yn Nova Scotia.

Hâlden en dragen

Ringbekmiuwen foerazjearje yn 'e flecht of helje proaien op by it swimmen of rinnen. Se stelle ek iten fan oare fûgels en frette ek ies. It binne opportunistyske omnivoaren en se passe it dieet oan as dat sa útkomt. Se skarrelje ek by ôfeart en binne brutaal genôch om iten fan minsken op in ûnbewekke stuit te stellen.

Lykas oare soarten fan it skaai briede se yn koloanjes op 'e grûn, faak op eilannen, mar ek hieltyd faker op platte fabryksdakken. De fûgel is meastentiids trou oan syn nêstplak en is monogaam.

Status

Tsjin de ein fan 'e 19e iuw waard der op 'e fûgel jage foar de fearren. De populaasje is sûnt wer groeid en hjoed-de-dei is it de meast gewoane miuw fan Noard-Amearika. De populaasje waard yn 2006 op 2,55 miljoen fûgels rûsd. Yn 2021 waard lykwols yn in stúdzje in oantal fan 1,2 miljard fûgels rûsd, sadat it ien fan 'e talrykste fûgels fan 'e wrâld is. De fûgel wurdt as net bedrige (Least Concern, ) op 'e Reade list fan 'e IUCN klassifisearre.

Boarnen, noaten en referinsjes

Boarnen, noaten en/as referinsjes:

Wikimedia Commons

Ofbylden dy't by dit ûnderwerp hearre, binne te finen yn de kategory Larus delawarensis fan Wikimedia Commons.