René Primevère Lesson
| René Primevère Lesson | ||
 | ||
| René Lesson, portret fan Louis Charles Arsenne | ||
| persoanlike bysûnderheden | ||
| nasjonaliteit |  Frânsk | |
| berne | 20 maart 1794 | |
| stoarn | 28 april 1849 (55 jier) | |
| wurkpaad | ||
| berop/amt | Sjirurgyn, ornitolooch, apoteker | |
| prizen | Légion d'honneur | |
René Primevère Lesson (Rochefort, 20 maart 1794 – dêre, 28 april 1849) wie in Frânske skipsjirurgyn (yn de rang fan marine-ofsier) en natuerûndersiker.
Libben en wurk
[bewurkje seksje | boarne bewurkje]Syn heit, René Clément Lesson, wie in meiwurker fan it marineburo; syn mem wie Marie Eustelle, berne Nicoleau. Syn broer, Pierre Adolphe Lesson (1805–1888), wie ek in natuerûndersiker. René Primevère Lesson syn earste frou wie Jeanne Zoë, berne Massiou (1798–1819), dy't ferstoar by de berte fan harren earste dochter, Cécile Estelle Atala Gautrau, berne Lesson (1819–1845). Syn twadde frou wie Marie Clémence, berne Dumont de Sainte-Croix (1800–1834), dy't ek tal fan yllustraasjes foar him makke. Sy wie de dochter fan Charles Dumont de Sainte-Croix (1758–1830). It houlik wie op 3 febrewaris 1827. Anaïs Lesson (1827–1838) waard út dit houlik berne; sy ferstoar yn har bernetiid. [1]
Op syn sechtjinde gie er nei de skoalle fan de genêskundige tsjinst fan de Frânske marine. Hy tsjinne yn de Frânske marine yn de napoleontyske oarloggen; yn 1811 wie er tredde sjirurgyn op it fregat La Saal, en yn 1813 twadde sjirurgyn op de Regulus.
Yn 1816 feroare Lesson syn spesjalisaasje nei apoteker. Hy tsjinne as apoteker en botanikus yn Duperreys reis om'e wrâld mei de La Coquille, dy't duorre fan 1822 oant 1825. Tegearre mei syn kollega-sjirurgyn Prosper Garnot en offisier Dumont d'Urville sammele er in soad natuerhistoaryske spesimen (konservearre hiele of parten fan planten en bisten). Lesson wie de earste natuerûndersiker dy't libjende paradysfûgels observearre yn de Molukken en Nij-Guinea.
Werom yn Parys wurke er sân jier oan it saneamde soölogysk part fan it offisjele reisferslach fan de ekspedysje: Voyage autour du monde sur La Coquille (1826 -39). Yn dy perioade publisearre er sels dêrneist inkelde wurken oer de fauna: Manuel d' Ornithologie (1828), Traité d'ornithologie (1831), Centurie Zoologique (1830 -32) en Illustrations de Zoologie (1832-35). Fierder skreau er in pear monografyen oer kolibrys en in boek oer paradysfûgels. Mear as 200 fûgelsoarten en goed 100 fûgelgenera binne troch him beskreaun en jilde (anno 2023) noch hieltyd as soarte. [2]
Yn 1832 waard er plakferfangend haadapteker en yn 1839 haadapteker foar de marine yn Rochefort. Yn 1847 waard er beneamd as lid fan it Frânske Legioen fan Eare. Syn ûnderfiningen as skipsdokter tsjinnen as basis foar syn twa dielen Manuel d" Histoire Naturelle Médicale et de Pharmacologie (1833), dy't bedoeld wiene as hânboek foar oare skipsdokters.
Tsjin 'e ein fan syn libben krige er niget oan regionale argeology en publisearre syn Histoaryske Annalen.
Bibliografy
[bewurkje seksje | boarne bewurkje]- Manuel d'ornithologie, ou Description des genres et des principales espèces d'oiseaux, deux volumes, Roret, Parys, 1828.
- Histoire naturelle des oiseaux-mouches : ouvrage orné de planches dessinées et gravées par les meilleurs artistes, twa dielen, Arthus Bertrand, Parys, 1829.
- Histoire naturelle des colibris , suivie d'un supplément à l'histoire naturelle des oiseaux-mouches. Ouvrage orné de planches dessinées et gravées par les meilleurs artistes, et dédié à M. le baron Cuvier, Arthus Bertrand, Parys, 1830-1831.
- Centurie zoologique, ou, Choix d'animaux rares, nouveaux ou imparfaitement connus: enrichi de planches inédites, dessinées d'après nature par M. Prêtre, gravées et coloriées avec le plus grand soin, F.G. Levrault, Brussel, 1830-1832.
- Traité d'ornithologie, ou Tableau méthodique des ordres, sous-ordres, familles, tribus, genres, sous-genres et races d'oiseaux, Levrault, Parys, 1831.
- Illustrations de zoologie, ou, Recueil de figures d'animaux peintes d'après nature, Arthus Bertrand, Parys, 1831-1835.
- Manuel d'Histoire Naturelle Médicale, et de Pharmacographie, ou tábleau synoptique, méthodique et descriptif des produits que la médecine et les arts empruntent à l'histoire naturelle, Roret, Parys, 1833.
- Flore rochefortine, ou Description des plantes qui croissent spontanément ou qui sont naturalisées aux environs de la ville de Rochefort, [s.n.], Rochefort, 1835.
- Histoire naturelle générale et particulière des mammifères et des oiseaux découverts depuis la mort de Buffon, Pourrat Frères, Paris, 1834-1836.
- Voyage autour du monde, entrepris par ordre du gouvernement sur la Corvette La Coquille, Pourrat frères, Paris, 1838-1839.
- Species des mammifères bimanes et quadrumanes, suivi d'un mémoire sur les Oryctéropes, J.-B. Baillière, Paris, 1840.
- Les trochilidées ou Les colibris et les oiseaux-mouches : suivis d'un index général, dans lequel sont décrites et classées méthodiquement toutes les races et espèces du genre trochilus, Arthus Bertrand, Paris, 1840.
- Moeurs, instinct et singularités de la vie des Animaux Mammifères, Paulin, Paris, 1842.
- Fastes historiques. Archéologie, bibliographie, etc. du département de la Charente-Inférieure, coll. Gustav. Bord., Rochefort, 1842.
- Histoire naturelle des zoophytes. Acalèphes, twa dielen, Roret, Parys, 1843.
- Notice historique sur l'amiral Dumont d'Urville,... Mémoire envoyé au concours ouvert par l'Académie de Caen en 1844, H. Loustau, Rochefort, 1844.
- Description de mammifères et d'oiseaux récemment découverts; précédée d'un Tableau sur les races humaines, Lévêque, Parys, Veith, Karlsruhe, F. Bélisard, Petersburg, 1847.
- Nouveau manuel complet de l'éleveur d'oiseaux de volière et de cage ou Guide de l'oiselier : contenant la description des genres et des principales espèces d'oiseaux indigènes et exotiques, nije útjefte, Roret, Parys, 1867.
 | Ofbylden dy't by dit ûnderwerp hearre, binne te finen yn de kategory René Primevère Lesson fan Wikimedia Commons. |
| Boarnen, noaten en/as referinsjes: |
|